इब्रानी 13:2 - पुना गच्छरना NT (BSI)

² मल ईरका आलारिन पाही ऎरा गे अमा मोध्र'आ। एन्‍देरगेका एन्ने पाही ऎरना चड्डे जोक्‍क आलर बलना ती मेर्ख़ा पैकारिन हूँ पाही ईरियर।

इब्रानी 13:2 ပူးပေါင်းရင်းမြစ်များ

मत्तायोस 25:35

एन्‍देरगेका ऎन कीड़ा रहचकन नीम एंगन मंडी ओन्ताचकर, ऎन ओन्‍क'आ रहचकन नीम अम्मु ओन्ताचकर, ऎन नन-राजियन रहचकन नीम एंगन निम्‍है एड़पा नू ओकोरताचकर,

मत्तायोस 25:40

होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्‍है सन्नी ती सन्नी भइय्योर नॆखअम गने नंजकर अदिन एंग्‍है गनेम नंजकर।’

मत्तायोस 25:43

ऎन नन-राजियन रहचकन नीम एंगन निम्‍है एड़पा नू मल ओकोरताचकर, ऎन लंगड़ा रहचकन नीम एंगन किचरी मल अत्ताचकर, अरा ऎन बेमरहा अरा जेहेल नू रहचकन नीम एंगन मल ईरकर ख़ूजकर।’

त‍इरकर 16:15

आद तंग्‍‍है गोट्टा एड़पातर गने नॊड़रा। ख़ने आद एमन गोहरार'आ, “नीम एंगन उर्बासी पत्त'ऊ आली बुझ्रदर होले, एंग्‍है गुसन गुचा ती र'आ।” अरा आद एमन बड़पेलहा ती होच्‍चा केरा।

रोमी 12:13

चाड़ नू र'ऊ धर्मेसी आलर गे निम्‍है गुसन एन्‍द्रा र'ई अदिन ख़ट्टा, पाही ऎरना नू बोथ्रका र'आ।

रोमी 16:23

गायोस एकास एंग्‍है अरा गोट्टा कलीसिया ही पाही ईरू र'अदस, आस निमन मोंजरा नन्‍दस। एरस्‍‍तोस नॆ नगरे ता भंडारी र'अदस अरा एम्‍है भ‍ई क्वार्तोस निमन मोंजरा नन्‍दर।

1 तीमोथियुस 3:2

औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

तीतुस 1:8

आस गे पाही ईरू, दौ नलख बिद्दू, खतीर ननू, नियाँव ननू, नेम्‍हा अरा जियन जतन‍'ऊ र'अना र'ई।

1 पतरस 4:9

बिगर कुनमुनर'आ ती ओर्त ओर्तारिन पाही ऎरा।

3 यॊहन 1:5

अना दुलारो, नीन निंग्है गुसन बरना मसी भईर गे नीन बलना आलर रहचका ती हूँ आर गे नीन नन्ना उर्मी नू पत्त'अना जॊगे र'अदय।