इब्रानी 12:3 - पुना गच्छरना NT (BSI)

³ पपहा आलर ती बरचका उर्मी दुक्‍खन सहचका येसुसी पत्त नू सोच'आ, होले नीम ख़ॆना मनोर ती पत्त'अनन मल अम्‍बोर।

इब्रानी 12:3 ပူးပေါင်းရင်းမြစ်များ

मत्तायोस 11:19

लिकिन मनवा ख़द्दस बने उन्नुम मॊख़नुम बरचस। ख़ने आर ब'अनर का ईस पेट पोसा अरा उंखुस अरा मलगुजारी ऊज'उर अरा पपहर ही संगेस हवे। लिकिन धर्मेसी लूर अदही लेक्‍खा ईकुर ही नलख ती आद मानिम एन्ने ईथर'ई।”

मत्तायोस 12:24

लिकिन फरिसीर इदिन मेंजर ती बाचर, “ई आलस गा नाद गुट्ठी ही मुद्धस बॆलजेबूल ती नाद गुट्ठिन ओथ्रदस।”

मत्तायोस 15:2

“एन्‍देरगे निंग्‍है चेलर पूरखर ही मनता गुट्ठिन चाड़नर का बिगर ख़ेक्खा नॊंढ़रका असमा मॊख़नर?”

मत्तायोस 21:23

तहाँ आस धर्मेसी मन्दिर नू केरस ती सिखाब'आ लगियस ख़ने, मुध नैगर अरा सेयान आलर आसी गुसन बरचर ती आसिन मेंजर, “नीन इबड़ा नलखन नॆखा आकुस ती ननालदय? अरा निंगा इबड़न नन्ना ही आकुस नॆ चिच्‍चा?”

मत्तायोस 21:46

अरा आर आसिन धर'आ बिद्दियर, लिकिन आलर ती इल्‍चियर का आर आसिन धर्मेसी कत्‍था तिंगुस मन'आलियर।

मत्तायोस 22:15

फेन फरिसीर केरर ती भेंट मंजर ती कछनख्रर का येसुसिन आसी कत्‍था ती एकासे बझाब'ओत।

लू‍कस 14:1

ओन्‍टा ख़न्न ऎख़ना उल्‍ला नू येसुस फरिसीर ही मुद्धासी एड़पा नू मंडी ओना केरस, अरा आलर येसुसिन जोह'आलियर।

लू‍कस 15:2

फरिसीर अरा नॆग सिखाब'उर, “ईस गा पपहा आलर गने भिड़ाब'अदस अरा आर ही गने ओन्‍दस मॊख़दस” ब'अरकी कुटमुटर'आ हेलरर।

लू‍कस 16:14

फरिसीर नॆ ढिबा ही चिबाख़ार'ऊ रहचर, आर इबड़ा कत्‍थन मेंजर ती येसुसिन भेसड़'आ हेलरर।

लू‍कस 2:34

फिन सुमेयॊनस आर गे आसीस चिच्‍चस, अरा तंगियो मरियम आबोन बाचस, “ऎरय, धर्मेस ई ख़द्दासिन इस्राऎल नू बग्‍गे आलारिन धर्मेस ती खत्तरत'आ गे अरा बग्‍गे आलारिन खुसमारत'आ गे चज्‍जियस। ईस धर्मेस ती ओन्‍टा चेताब'अना ही चिन्‍हा र'ओस, लिकिन बग्‍गे आलर ईसिन हींड़'ओर।

लू‍कस 5:21

ख़ने नॆग सिखाब'उर अरा फरिसीर ताम ताम नू कछनख्र'आ हेलरर, “ईस नॆ तंग्‍है? ई आलस धर्मेसिन निंदा नन्‍दस। धर्मेसिन अम्‍बर नॆ पाप गुट्ठिन छमा नना ओंगोर?”

यॊहनस 10:20

आर ती नगदे आलर ब'आ लगियर, “आस नू नाद रस्‍सकी र'ई। आस बयहस, आसी कत्‍थन नीम एन्‍देरगे मेन्‍दर?”

यॊहनस 18:22

येसुस एन्ने बाचस ख़ने, धर्मेसी मन्दिर ख़ापू सैनर ती ओर्तोस असन हेद्दे इज्‍जका रहचस, आस येसुसिन चटकाचस अरा बाचस, “कोहाँ नैगासिन एन्नेम आनाकिर्त'अना का?”

यॊहनस 5:16

इबड़ा नलख गुट्ठिन येसुस ख़न्न ऎख़्रना उल्‍ला नू नंजका ती, यहूदी मुद्धर आसिन डाहा हेलरर।

यॊहनस 7:12

अरा गोंहड़ा नू आलर ढ़ॆर कत्‍था आसी पत्त नू तम्‍है नू कले कले कछनख्र'आ लगियर। जोक्‍क आलर ब'आ लगियर, “आस दौ आलस”, लिकिन नन्नर ब'आ लगियर “मला, आस आलारिन भेंवाब'अदस।”

यॊहनस 8:13

ख़ने फरिसीर आसिन बाचर, “नीनिम निंग्‍है पत्त नू गोवाह चि'अदय, होले निंग्‍है गोवाह आबोन ऎम मल इंझ्र'आ ओंग्‍दम।”

यॊहनस 8:52

ख़ने यहूदीर आसिन बाचर, “ऎम अक्‍कुन अक्‍कम का नीन नाद ती रस्‍का आलय हिकदय। अब्राहमस केच्‍चस अरा धर्मेसी कत्‍था तिंगुर हूँ केच्‍चर। लिकिन नीन ब'अदय का ‘नेक‍ईम एंग्‍है कत्‍थन पॆस्रदस होले, आस इकला हूँ मल खे'ओस।’

यॊहनस 8:59

इदन मेंजर ती आर आसिन लोड़ग'आ गे पखना गुट्ठी पेत्तर। लिकिन येसुस नूख़्रस ती धर्मेसी मन्दिर ती गुच्‍छरस केरस।

यॊहनस 9:40

जोक्‍क फरिसीर आसी गने रहचर, आर इदन मेंजर ती बाचर, “ऎम हूँ अन्धहा र'अदम का?”

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 4:1

धर्मेसी सोग्‍गे एम्‍है मइय्याँ मंजा ती एमा ई सुसर'अना ही नलख चीतारा, औंगे ऎम कहियों मल हदियारदम।

2 कोरिन्‍थ 4:16

औंगे ऎम पछली मल किर्दम। बहरी ता एम्‍है मॆद गा खे'आली, लिकिन भितरी ता एम्है बॊलता उल्‍लन ती पत्ती पुना मन्नुम क'ई।

गलातिया 6:9

नाम दौ नलख नना गे अम्‍बोत ख़ड़दन नेकअन। अरा नाम अन्नेम नना गे बड़ियर मन्नुम क'ओत होले, नाम ठौका बेड़ा नू ख़ोयोत।

2 थेस्‍सलोनिकॆयर 3:13

लिकिन भईरो, नीम दौ नलख नना गे जियन अमा हदिय'आ।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 12:5

अरा धर्मेस निमन तंग्‍है ख़द्दर एन्ने मॆख़रकी निम्‍है गने बाचका रिझ्रत'अना कत्‍था गुट्ठिन नीम मोधरकर केरकर, “अना एंग्‍है ख़द्दायो! उर्बासी कोड़नन नेब्‍बा अमा सोच'आ, अरा आस निमन दन्‍दक'ओ बारी डिढन अमा अम्‍बा।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

1 पतरस 2:23

आस केबेर मोक्‍खस ती मल केप्‍पस, अरा दुक्‍खे चोद'अरकी नॆकन हूँ मल धिराब'आ लगियस। लिकिन आस गा तंगन मानी गने नेंवई ननू धर्मेसी ख़ेक्खा नू सोंपचस चिच्चस।

दहदर मंजका कत्‍था 2:3

नीन खतिर नन्ना ती एंग्‍है नामे चड्डे दुक्‍खे चॊदकय, अन्नु हूँ हार मल मोक्‍कय।