इब्रानी 11:4 - पुना गच्छरना NT (BSI)

⁴ पत्त'अना ती हाबेलस कैनस ती बॆस दाँड़े धर्मेस गे अरगाचस। धर्मेस दिम आसी दान गुट्ठी ही पत्त नू दौ बाचस, ख़ने आस पत्त'अना ती आस उजगो आल एन्ने बॆस गोवाह ख़क्‍खियस। पत्त'अना ती हाबेलस केचका ख़ॊख़ा ती हूँ अक्‍कु गूटी आसी पत्त नू कछनख्रदत।

इब्रानी 11:4 ပူးပေါင်းရင်းမြစ်များ

मत्तायोस 23:35

औंगे उजगो आलस हाबेलसी पिट्रना ती धर्मेसी मन्दिर नू नेम्हा अड्डा अरा गोड़हा ही मझी नू नीम पिटका बराख़ियसी तंग्‍दस ज‍करियासी पिट्रना गूटी, नीम ख़ॆख़ेल नू पिटका उर्मी उजगो आलर ही बदी निम्‍है कुक्‍कु नू मनो।

तीतुस 1:16

आर ब'अनर का धर्मेसिन अख़दम। लिकिन आर ही नलख ईद'ई का आर मानिम नू धर्मेसिन बलनर एन्‍देरगेका आर ख़ाँड़'ऊ अरा कत्‍था मल पॆस्र'ऊ हिकनर, अरा एकअम दौ नलख नना गे जॊगे मलनर।

इब्रानी 11:2

एन्ने लेक्‍खा पत्त'अना ती नम्‍है पूरखर बॆस गोवाह ख़क्‍खियर।

इब्रानी 12:1

औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।

इब्रानी 12:24

अरा नीम पुना गच्‍छरना नू धर्मेस अरा आलर ही मझी आल येसुस गुसन बरचकादर। अरा नीम हाबेलसी ख़ॆंस ती बॆस कत्‍था तिंगू येसुसी छिंछड़ाचका ख़ॆंस गुसन बरचकादर।

इब्रानी 5:1

उर्मी कोहाँ नैगर गा आलर तिम चाजतारका आलर गे आर ही अड्डा नू आस धर्मेसी मुन्‍दहारे तेतर-सुसर ननरकी आर ही कत्‍था गुट्ठिन ननू आलस ओक्‍तारदस। ईसिम आर ही दान गुट्ठिन अरा पाप गुट्ठी गे दाँड़े गुट्ठिन अरगदस।

इब्रानी 9:22

मानी गा, मूसासी नॆग ही लेक्‍खा मलागूटी उर्मी जिनिस ख़ॆंस ती सुध मन्तार'ई, अरा बेगर ख़ॆंस चूरख़का पाप ही अम्‍बरना मलकी।

2 पतरस 2:8

आ उजगो आलस लॊथस उजगो मलका आलर ही मझी नू उज्जा लगियस ख़ने, उर्मी उल्ला आर ही नॆग मलका नलख गुट्ठिन ऎरालियस अरा मेनालियस। औंगे आसी जिया ऒलालिया।

यहूदा 1:11

आर गे ओहरे। एन्देरगेका आर तंग्है भईसीन पिटका कैनसी डहरे नू ऎकनर। अरा आर ढिबा गे बालामसी मलदौ आबोन ताम हूँ नन्नर। अरा कोरेस लेक्खा हुलहुली नन्ना चड्डे नठारनर कानर।