इब्रानी 11:3 - पुना गच्छरना NT (BSI)

³ पत्त'अना ती नाम बुझुरदत का गोट्टा सौंसेन धर्मेस तंग्‍है कत्‍था ती पॆस्रका ती गढ़चस। अरा एन्ने मला का ऎथ्रना नू बर'ई इबड़ा उर्मी ईरका आलॊ गुट्ठी ती कम्रकी र'ई।

इब्रानी 11:3 ပူးပေါင်းရင်းမြစ်များ

यॊहनस 1:3

उर्मी आलॊ आसी तिम गढ़रा, अरा गढ़्रका ती ओन्‍टा हूँ आसी बिगर मल्‍ला गढ़्रका।

त‍इरकर 14:15

“भ‍ईरो, नीम ईद एन्‍देर नना लगदर? ऎम हूँ गा निम्‍है लेक्‍खा सुक्‍खे दुक्‍खे भोग'ऊ आलम हिकदम। ऎम ई दौ कत्‍था तेंगा बरचकादम का इबड़ा अनभनियाँ आलॊ गुट्ठी ती तरकूटी मना अरा उज्‍जना धर्मेस तरा किर्रा, एकास मेर्ख़ा अरा ख़ॆख़ेल अरा समुदर अरा अबड़ा नू र'अना उर्मिन कमचस।

त‍इरकर 17:24

ई धर्मेस गोट्टा ख़ॆख़ेल अरा अइय्या र'ऊ उर्मिन कमचस, अरा आस मेर्ख़ा दरा ख़ॆख़ेल ही उर्बस हिकदस। आस आलर ही ख़ेक्खा ती कमचका मन्‍दिर नू मल र'अदस।

रोमी 4:17

एकासे नेम्‍हा पुथी नू लिख्रकी र'ई, “ऎन निंगन अजम बग्‍गे जातियर ही बंग कमचकादन।” ई गच्‍छरका अब्राहमस गे आस धर्मेसी म‍इय्याँ नंजका पत्त'अना ती ख़क्‍खरा। धर्मेस दिम केचकारिन उज्‍जत'अदस अरा एन्‍द्रा हूँ मलकी अइय्या तिम पुना जिनिसन गढ़दस।

1 कोरिन्‍थ 2:7

ऎम गा धर्मेसी लूरन, नूख़्रका गम आबोन लेका तेंगदम। इदन धर्मेस ख़ॆख़ेल ही ऒरे ती मुन्‍द तिम नाम मसीसी महबा नू हिसा मना गे ठनचस।

1 तीमोथियुस 4:5

एन्‍देरगेका धर्मेसी कत्‍था अरा बिन्‍ती ती आद नेम्‍हा मनी।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।

इब्रानी 6:5

अरा धर्मेसी कत्‍था ही दौ अरा बरना पुना सौंसे ही सवंग आबोन अगमाचकानर,

2 पतरस 3:5

आर अख़नुम अख़नुम मानिमन मॊध्रनर का हुल्लो नू धर्मेसी कत्था ती मेर्ख़ा गुट्ठी अरा ख़ॆख़ेल गढ़रा, अरा ख़ॆख़ेल अम्मु ती बहरी बरचा अरा अम्मु ती कम्मरा।

दहदर मंजका कत्‍था 4:11

“अना एम्‍है धर्मे उर्बायो! नीन महबा अरा मईन अरा सवंग ख़क्खना ही जॊगे र'अदय, एन्‍देरगेका नीनिम उर्मिन गढ़चकय, अरा निंग्है मने तिम अबड़ा गढ़्रका ती उज्जी।”