इब्रानी 10:1 - पुना गच्छरना NT (BSI)

¹ मूसासी नॆग बरना दौ जिनिस ही ऎख़ लेक्‍खा दिम र'ई। अबड़ा नू तम्‍है ती धर्मेस चि'ऊ दौ जिनिस मलकी। ई चड्डे दिम चानुम घड़ी घड़ी नंजका दाँड़े ती नॆग महबा नना गे बर'ऊ आलारिन कहियों पखड़ नना पुल्‍ली।

इब्रानी 10:1 ပူးပေါင်းရင်းမြစ်များ

इब्रानी 8:5

आर मेर्ख़ा नू र'ऊ नेम्‍हा अड्डा ही रूप नू अरा ऎख़ ही लेक्‍खा इसन र'ऊ नेम्‍हा अड्डा नू सुसर नन्नर। मूसस गा नेम्‍हा कोहाँ कुम्‍बा कम'आ गे सपड़ारना नू रहचस ख़ने, आस गे धर्मेस ती एन्ने चेताब'अना ख़क्‍ख्रा का, “ऎरा, एका नमुना निंगा परता नू ऎदका रहचकन अदही लेक्‍खम उर्मिन कम'आ गे चिहुंक र'आ।”

इब्रानी 9:11

लिकिन मसीस बरना दौ आबोन चि'ऊ कोहाँ नैग मंजस ती बरचस ख़ने, आस इत्रु ती कोहाँ अरा कोड़हे पखड़ मेर्ख़ा ता कोहाँ कुम्‍बा नू कोरचकादस, एकदा आलर ही ख़ेक्खा ता कम्रका मल्‍ली अरा ई गढ़्रका सौंसे ही हूँ मल्‍ली।

कोलोस्से 2:17

इबड़ा उर्मी नॆग गुट्ठी गा बर'ऊ र'ई आ आलॊ ही ऎख़ लेका हवे, लिकिन अबड़ा ही मानी मने गा मसीसी पत्त नू र'ई।

इब्रानी 9:23

ई चड्डे मेर्ख़ा ता मानिम जिनिस ही रूपे लेक्‍खा नू र'ऊ कोहाँ कुम्‍बा अरा अदही जिनिस जम्मा ई लेक्‍खा दाँड़े गुट्ठी ती सुध मन्‍तारना ही चाड़ र'ई। अन्ने होले मेर्ख़ा ता मानिम जिनिस गा इबड़ा ती कोड़हे बॆस दाँड़े गुट्ठी ती सुध मन्‍तारना र'ई।

इब्रानी 9:25

एकासे कोहाँ नैगस चानुम ओंग्‍होन ओंग्‍होन मेक्‍खो ही ख़ॆंसन हो'अदस ती कोड़हे नेम्‍हा अड्डा नू कोरदस, लिकिन मसीस तंगन घड़ी घड़ी दाँड़े अरग'आ गे मेर्ख़ा मल कोरचस।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

इब्रानी 7:11

लेवी गोतर ती बरचका नैगर ही नैग नलख धर्मेस ती इस्राऎल आलर गे ख़क्‍ख्रका नॆग ती र'ई। ई लेवी गोतर ता नैगर ही नलख ती धर्मेसी बेद्दना बड़ियर मन्ना मल मंजा, ख़ने आरॊनसी बनसन अम्‍बियस ती मेलख़िसेदेक नैगासी लेक्‍खा नन्ना नैगस बरना चाड़ रहचा।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।