इब्रानी 1:9 - पुना गच्छरना NT (BSI)

⁹ नीन उजगो आबोन चोन्‍हा नन्‍दय अरा मलदौ आबोन ख़ाँड़दय। औंगे धर्मेस, निंग्‍है धर्मेस निंगन निंग्‍है संगेर ही मझी ती चज्‍जियस अरा आस निंगन बग्‍गे रिझ गने भिने नंजस।”

इब्रानी 1:9 ပူးပေါင်းရင်းမြစ်များ

लू‍कस 4:18

“उर्बासी बॊलता एंग्‍है म‍इय्याँ र'ई, इदगे का आस एंगन कीड़र गे दौ कत्‍था मेन्‍त'आ गे चज्जिकादस। अरा आस एंगन हॆंरकारिन बछरनन तेंगा गे, अरा अन्‍धारिन ऎरत'आ गे, अरा ओर्मा तिरख़रकारिन छोड़ाब'आ गे,

यॊहनस 1:41

अन्‍द्रेयस मुन्‍द तंग्‍है भ‍इय्योस सिमॊनस गने भेंट मंजस ती बाचस, “ऎम मसीसिन ख़क्‍खकादम।” (मसीसिन ‘ख़्रिसतोस’ एन्ने हूँ ब'अनर।)

यॊहनस 10:17

बंगस इदगे एंगन चोन्‍हा नन्‍दस का ऎन एंग्‍है जियन चि'अदन का ऎन अदिन फिन हो'आ ओंग्‍दन।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

यॊहनस 3:34

नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

त‍इरकर 10:38

नासरेत ता येसुसिन धर्मेस नेम्‍हा बॊलतस ती अरा सवंग ती बड़ियर नंजस अरा धर्मेस आसी गने रहचस। ख़ने आस दौ नन्नुम अरा सैतान ती बझ्रका आलारिन कोड़े नन्नुम कुद्दा लगियस।

त‍इरकर 4:26

ख़ॆख़ेल ता बॆलर लड़ाई गे चॊचर अरा अक्‍स'उर उर्बासी बिड़दो अरा आसी मसीसी बिड़दो नू ख़ॊंड़रर।’

त‍इरकर 4:27

इसन हॆरॊदॆस अरा पोन्‍तियुस पिलातुस नन-यहूदीर अरा इस्राऎल आलर गने येरुसलॆम नू ख़ॊंड़रर ती नीन मसी कमचका निंग्‍है नेम्‍हा जॊंख़स येसुसी बिड़दो नू चॊचर।

रोमी 12:9

निम्‍है चोन्हा मानिम चोन्‍हा मन्ना र'ई। मलदौ आबोन ख़ाँड़'आ अरा दौ नना गे मने नना।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

1 कोरिन्‍थ 1:9

धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

फिलिप्‍पी 2:9

ई चड्डे धर्मेस आसिन उर्मी ती मेच्छा मईन ही अड्डा नू चॊदस अरा आस गे उर्मी नामे ती कोड़हे बॆस नामे चिच्चस।

इब्रानी 2:11

येसुस एकास आलारिन नेम्‍हा नन्‍दस अरा नॆ नेम्‍हा नन्‍तारनर, अबड़ा ओर्मर ही बंगस ओन्‍टेम र'अदस। औंगे येसुस गे आरिन तंग्‍है भ‍ई ब'आ गे लज्‍जे मल मनी।

इब्रानी 2:9

लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

दहदर मंजका कत्‍था 2:15

अन्नेम निकोलाय धरम ता आलर ही सिखाब'अनन मन'ऊ जोक्क आलर निम्है मझी नू र'अनर।