इब्रानी 1:6 - पुना गच्छरना NT (BSI)

⁶ अउरिम इकला धर्मेस तंग्‍है जेट्ठा ख़द्दासिन ई ख़ॆख़ेल नू ओन्‍द्रस, अरा बाचस, “धर्मेसी उर्मी पैकर आसी महबा नन्नर नेक‍अन।”

इब्रानी 1:6 ပူးပေါင်းရင်းမြစ်များ

कोलोस्से 1:18

अरा आसिम तंग्है मॆद कलीसिया ही कुक्‍कु अरा अदही ऒर हिकदस। अरा आसिम केचका मधेर ती उज्‍जा चो'उर नू मुन्दतस हिकदस। औंगे आसिम उर्मी नू मुन्द मनोस।

कोलोस्से 1:15

मसीस गा मल ईथ्र'ऊ धर्मेसी रूपे नू र'अदस, अरा सौंसे गढ़्रका ही कोहाँ हिकदस, अरा धर्मेसी जेट्ठा ख़द्द हिकदस।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

रोमी 8:29

धर्मेस आरिन हुल्‍लु तिम अक्‍खस, अरा आस आरिन तंग्‍है ख़द्द बेसे मना गे ओट्‍‍टा ओकताचस। होले येसुस बग्‍गे भ‍ई बहिनर नू जेट्ठा मना ओंगोस।

1 यॊहन 4:9

धर्मेस तंग्है ओन्टे लेका ख़द्दासिन ख़ॆख़ेल नू इदगे तइय्यस का नाम आसी ती जमनजुग उज्जनन ख़क्खा ओंग्दत। इत्रु धर्मेस नम्है मइय्याँ मंजका चोन्हन दहदर नंजस।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

इब्रानी 10:5

इदगेम येसुस ख़ॆख़ेल नू बरना बेड़ा नू धर्मेसिन बाचस, “दाँड़े अरा दान गुट्ठिन नीन मल बिद्दकय, लिकिन एंगा गे ओन्‍टा मॆदन दाँड़े अरग'आ गे सपड़ाचकय।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

इब्रानी 1:5

धर्मेस गा एक‍अम मेर्ख़ा पैकर ती इकल‍अम मल बाचस, “नीन एंग्‍है ख़द्दय, इन्ना ऎन निम्‍है बंग मंजकादन।” अरा अउर हूँ मल बाचस, “ऎन आसी बंग मनोन, अरा आस एंग्‍है ख़द्दस मनोस।”

मत्तायोस 24:14

अरा धर्मेसी राजी ही ई दौ कत्‍था सौंसे ख़ॆख़ेल नू मेन्‍द्र'ओ का उर्मी राजी ता आलर इदन मेनोर, फिन मुंज्रना अंड़सा ख़च्‍चो।