इब्रानी 1:4 - पुना गच्छरना NT (BSI)

⁴ औंगे आस मेर्ख़ा पैकर ती कोड़हे कोहाँ मंजस। अरा धर्मेस आस गे अबड़र ती कोड़हे कोहाँ नामे चिच्‍चस।

इब्रानी 1:4 ပူးပေါင်းရင်းမြစ်များ

इफेसुस 1:21

इत्रु ती आस मसीसिन उर्मी राजी ननुर अरा अदिया अरा सवंग अरा उर्बस मन्ना ही मइय्याँ कोहाँ नंजस। अरा ई पूर नू लेका मला अउर बरना पूर नू हूँ नामे ख़क्ख्रका उर्मी नामे ही मइय्याँ आसिन कोहाँ नंजस।

कोलोस्से 1:18

अरा आसिम तंग्है मॆद कलीसिया ही कुक्‍कु अरा अदही ऒर हिकदस। अरा आसिम केचका मधेर ती उज्‍जा चो'उर नू मुन्दतस हिकदस। औंगे आसिम उर्मी नू मुन्द मनोस।

कोलोस्से 2:10

अरा आस नू नीम निंद्रकादर, एकास उर्मी अक्स'उर अरा अदिया गुट्ठी ही अक्स'ऊ हिकदस।

2 थेस्‍सलोनिकॆयर 1:7

अरा सस्‍ती नू र'अदर निमा गे आस ख़न्‍न ऎख़ना ही ख़ंजपा चि'ओस। अन्नेम आस एमा हूँ चि'ओस। उर्बा येसुस तंग्‍है सवंगिय मेर्ख़ा पैकर गने लघ्रना चिच्‍ची गने मेर्ख़ा ती दहदर मन्‍ना बेड़ा नू ईद मनो।

इब्रानी 1:9

नीन उजगो आबोन चोन्‍हा नन्‍दय अरा मलदौ आबोन ख़ाँड़दय। औंगे धर्मेस, निंग्‍है धर्मेस निंगन निंग्‍है संगेर ही मझी ती चज्‍जियस अरा आस निंगन बग्‍गे रिझ गने भिने नंजस।”

इब्रानी 12:17

नीम अख़दर का ख़ॊख़ा आस तम्‍बस ती जेट्ठा ही आसीस ख़क्‍खा बिद्दियस ख़ने, आस ख़ाँड़रस केरस। आस ई आसीस आबोन चींख़ा चींख़ा बेद्दना नू हूँ आस गे आसी आ दसा बदलार'आ पोल्‍ला।

इब्रानी 2:9

लिकिन नाम येसुसिन ऎरदत का आस जोक्‍क बेड़ा गे मेर्ख़ा पैकर ती कटी गुना सन्नी कम्रकाचस, अरा आस दुक्‍खे चॊदना ती खे'अना ही चड्डे आस गे महबा अरा म‍ईन आबोन टुपरी अत्तारा केरा, अरा नम्‍है म‍इय्याँ ता धर्मेसी मया ती उर्मी आलर गे आस केच्‍च ख़च्‍चियस।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।