Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




इब्रानी 1:2 - पुना गच्छरना NT (BSI)

2 लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।

အခန်းကိုကြည့်ပါ။ ကော်ပီ




इब्रानी 1:2
70 ပူးပေါင်းရင်းမြစ်များ  

अरा बैरी नॆ लट्टी बिहनिन चाँख़स आस सैतान हवे, अरा ख़ोयना ख़ॆख़ेल ही मुंज्रना हवे, अरा ख़ूयुर मेर्ख़ा पैकर हिकनर।


अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”


लिकिन ठिका होच्चका उर्बर तंग्‍दासिन ईरियर ती ताम ताम बाचनखरर, ईसिम गा पुंजी हिकदस, बरा नाम ईसिन पिटोत ती ईसी बटकी आबोन हो'ओत।


लिकिन येसुस कलेकले रहचस। ख़ने कोहाँ नैगस आसिन बाचस, “ऎन निंगन उज्‍जना धर्मेस ती किरिया मॊख़दन का नीन धर्मेसी ख़द्दय मसी हिकदय होले नीन उज्‍जना धर्मेस ती किरया मॊख़ा।”


तहाँ येसुस आर ही हेद्दे बरचस ती बाचस, “मेर्ख़ा अरा ख़ॆख़ेल नू उर्मी अदिया एंगा चीरकी र'ई।


अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”


ईद धर्मेसी ख़द्दस येसु मसीसी दौ कत्‍था।


अक्‍कु त‍इय्‍या गे आस गुसन आसी चोन्‍हा ख़द्दस लेका रहचस। ‘एंग्‍है ख़द्दासिन आर म‍ईन ननोर’ सोच्‍चस ती छेद्दे नू तंग्‍है ख़द्दासिन त‍इय्‍यस।


आसी ख़द्दस बरचस ख़ने, अबड़ा ठिका होच्चका उर्बर ताम ताम नू बाचनखरर, ‘ईसिम गा पुंजी हिकदस, बरा नाम ईसिन पिटोत होले ईसी ई बटकी नम्‍है मनो कालो।’


आस ख़ॆख़ेल नू रहचस। अरा ख़ॆख़ेल आस तिम गढ़रा, अन्नु हूँ ख़ॆख़ेल आसिन मल चिन्‍हचा।


अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।


उर्मी आलॊ आसी तिम गढ़रा, अरा गढ़्रका ती ओन्‍टा हूँ आसी बिगर मल्‍ला गढ़्रका।


येसुस अक्‍खस का बंगस उर्मी ही म‍इय्याँ तंगा गे आकुस चिच्का रहचस, अरा तान धर्मेस गुसते बरचकाचस, अरा धर्मेस गुसन किर्रा लगदन।


अरा एंग्‍है ती धर्मेसी महबा दहदर मनी होले, धर्मेस हूँ मनवा ख़द्दन एंगा महबन तंग्‍है ती दहदर ननोस, अरा लॆम अदन ननोस।


निमन अक्‍कुन ती ऎन जॊंख़र मल ब'ओन, एन्‍देरगेका जॊंख़स बलदस का आसी उर्बस एन्‍देर ननालदस। लिकिन निमन ऎन संगेर बाचकादन, एन्‍देरगेका ऎन एम्‍बस ती मेंजका उर्मी कत्‍थन निमन मेन्ताचका र'अदन।


बंगासी उर्मी एंग्‍है दिम हवे। ख़नेम ऎन बाचकन का आस एंग्है ती ख़क्‍खदस ती अदिन निमन तेंगोस।


नीन ओर्मा आलर मइय्याँ एंगा गे अदिया चिच्‍चकादय, नीन एंगा चिच्का ओर्मर गे ऎन जनमजुग ही उज्‍जना चि'आ गे दिम नीन इदन नंजकय।


धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।


यॊहनसी चेलर अरा ओन्‍टा यहूदी ही मझी नू चाल ही सुध मन्ना ही पत्त नू आनानखरना मंजा।


धर्मे बंगस गे उज्‍जनन चि'अना सवंग र'ई, अरा आस आ उज्‍जना चि'अना सवंगन आसी ख़द्दन एंगा चिच्कादस।


अरा आस एंगा आलारिन नेंवई नना गे अदिया हूँ चिच्कादस, एन्‍देरगेका ऎन मनवा ख़द्दन हिकदन।


ऎम अख़दम का धर्मेस मूसस गने कछनख्रस, लिकिन आ आलासी पत्त नू ऎम अख़'आ हूँ बलदम का आस एस्‍ते बरचस।”


नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।


‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।


आस नेम्‍हा बॊलतासी सवंग ती केचका ती उज्‍जा चो'अना ती धर्मेसी ख़द्दस नंज ऎदस। आसिम नम्‍है उर्बस येसु मसीस हवे।


अरा नाम धर्मेसी ख़द्द-ख़र्रा होले नाम आसी पुंजी हूँ हिकदत। अरा मसीस गने धर्मेसी ख़क्ख्र'ऊ म‍ईन आबोन ख़क्ख'ऊ पुंजी हिकदत। नाम गा मसीस गने दुक्‍खे चॊददत होले मसीस गे ख़क्ख्रना आ म‍ईन नू हूँ आसी गने र'ओत।


ऎम गा धर्मेसी लूरन, नूख़्रका गम आबोन लेका तेंगदम। इदन धर्मेस ख़ॆख़ेल ही ऒरे ती मुन्‍द तिम नाम मसीसी महबा नू हिसा मना गे ठनचस।


अन्नु हूँ नमा गे ओन्‍टे लेका धर्मे बंगस र'अस, आस तिम उर्मी गढ़रा, अरा आस गेम नाम उज्‍जा लगदत। अरा नमा गे ओन्‍टे लेका उर्बस र'अस, आस दिम येसु मसीस, आस तरतिम उर्मी गढ़रा, अरा आस तरतिम नाम उज्‍जा लगदत।


लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।


मेर्ख़ा अरा ख़ॆख़ेल नू र'ऊ उर्मिन मसीसी अदिया ही किय्या ख़ॊंड़रना दिम आ गम हिके। बेड़ा गुट्ठी अदही पूरा मन्ना बारी आस अदिन पूरा ननोस।


आ गम चिताबुतन ओर्मा आलर गे बुझुरत'आ गे ऎन चज्रकादन, एकदा उर्मिन गढ़'ऊ धर्मेस ती मुन्द ता परिया गुट्ठी नू नुड्डका उइय्का रहचा।


धर्मेस गा एक‍अम मेर्ख़ा पैकर ती इकल‍अम मल बाचस, “नीन एंग्‍है ख़द्दय, इन्ना ऎन निम्‍है बंग मंजकादन।” अरा अउर हूँ मल बाचस, “ऎन आसी बंग मनोन, अरा आस एंग्‍है ख़द्दस मनोस।”


लिकिन धर्मेस तंग्‍है ख़द्दासी पत्त नू एन्ने ब'अदस, “अना धर्मे, निंग्‍है बॆल-गदिया हुल्‍लो ती हुल्‍लो गूटी र'ओ, अरा नीन निंग्‍है राजी आबोन उजगो गने राजी ननोय।


पत्त'अना ती नाम बुझुरदत का गोट्टा सौंसेन धर्मेस तंग्‍है कत्‍था ती पॆस्रका ती गढ़चस। अरा एन्ने मला का ऎथ्रना नू बर'ई इबड़ा उर्मी ईरका आलॊ गुट्ठी ती कम्रकी र'ई।


औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।


लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।


नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।


आस धर्मेसी ख़द्दस रहचस, अन्नु हूँ आस दुक्‍खे चॊदस ती पॆस्रनन सिख्रस।


मूसासी नॆग गा पपहर लेक्‍खा पयहा आलारिन कोहाँ नैग उकत'ई। लिकिन ई नॆग ही ख़ॊख़ा बरचका धर्मेसी किरया ही कत्‍था गा जनमजुग गे पखड़ नन्‍तारका धर्मेसी ख़द्दासिन कोहाँ नैग उकत'ई।


ईसी बंगस महले ईसी अयंग महले ईसी खूंटी महले ईसी उज्‍जना ही ऒर महले ईसी उज्‍जना ही मुंज्रना ही पत्त नू नॆ हूँ बलनर। ईस धर्मेसी ख़द्दस लेक्‍खा उर्मी उल्‍ला गे नैगस कम्रका र'अदस।


अन्ने चाड़ रहचा होले, ख़ॆख़ेल गढ़्रका ती आस गे घड़ी घड़ी दुक्‍खे चॊदना मनो दने। लिकिन अक्‍कु सौंसे ही छेद बेड़ा नू आस ओंग्‍होन लेका तंगन खे'अना ही दाँड़े ती पाप गुट्ठिन ओथ्र'आ गे दहदर मंजकादस।


आस ख़ॆख़ेल गढ़्रना ही मुन्द तिम चाजरकाचस। लिकिन इबड़ा मुंजा ता बेड़ा गुट्ठी नू निमा गे दहदर मन्तारकादस।


उर्मी ती मुन्द नीम इदन अख़'आ गे बेद्ददन का, छेद्द उल्ला गुट्ठी नू निंदा ननरकी अलखू आलर बर'ओर, आर मानी आबोन निंदा ननरकी अलख़ोर अरा तम्है तम्है मलदौ चिबाख़ारना नू ऎकोर।


आर निमन बाचकानर का, “छेद्दे ता बेड़ा नू लज्जे मॊख़त'उर बर'ओर ती आर धर्मेसिन नटना तम्है मलदौ चिबाख़ारना गुट्ठी ही लेक्खम ऎकोर।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ