गलातिया 5:2 - पुना गच्छरना NT (BSI)

² ऎन पौलुस निमन आनदन, चिहुंक लगे मेना, नीम निमन खतना मन्‍तार'आ गे चि'अदर होले, निमा मसीस ती एन्‍देरा हूँ फैदा मल मनी।

गलातिया 5:2 ပူးပေါင်းရင်းမြစ်များ

त‍इरकर 15:1

जोक्‍क आलर यूदेया राजी ती सीरिया राजी ता अन्‍तियोख़ेया बरचर ती नन-यहूदी पत्त'उरिन एन्ने सिखाब'आ लगियर, “मूसासी सिखाबाचका नॆग ही लेक्‍खा निम्‍है खतना मल मनो होले नीम नाड़र'आ पोल्‍लोर।”

त‍इरकर 15:24

ऎम मेंजकादम का एम्‍है ती जोक्‍क भ‍इ‍य्योर निम्‍है हेद्दे बरचर ती तम्‍है कत्था ती निमन अकबकाम बाचर अरा निमन हदियाचर। लिकिन आर गे ऎम एन्ने एन्‍देर पॆसका हूँ मल चिच्का रहचकम।

त‍इरकर 15:5

लिकिन फरिसीर ही खोंड़हा ता जोक्‍क पत्त'ऊ आलर इज्‍जर ती बाचर, “नन-यहूदी पत्त'ऊ आलर खतना नन्ना दिम र'ई अरा मूसासी पॆसकन पॆस्रना र'ई।”

1 कोरिन्‍थ 16:21

ऎन पौलुस ई मोंजरन एंग्‍है ख़ेक्खा ती लिखदन।

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

गलातिया 5:11

लिकिन भईरो, अक्‍कु गूटी ऎन खतना ही पत्त नू तेंगालदन होले, ऎन मल सतार'ओन दने। अन्ने ऎन मानिम नू तेंगदन होले, येसु मसीसी क्रुस ही चड्डे बर'ई आ सतारना मल मनो दने।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

1 थेस्‍सलोनिकॆयर 2:18

औंगे ऎम निम्‍है गुसन बर'आ गे बिद्दकम। ऎन पौलुस ओंग्‍होन मला घड़ी घड़ी निम्‍है गुसन बर'आ बिद्दकन। लिकिन सैतान एमन छेंकचा उइय्या।

फिलॆमॊन 1:19

“आ नहड़न ऎन निंगा किर्त'ओन चि'ओन” ऎन पौलुस इदन एंग्‍है ख़ेक्खा ती लिखदन। ई बारी नीन निंगानिम एंगा नहड़ा बेसे चि'अना र'ई, एन्ने ऎन निंगा तेंगा गे चाड़ मलकी, एन्देरगेका नीन पत्त'ऊ मना गे ऎन संगरा नंजकन।

इब्रानी 4:2

एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।