गलातिया 5:1 - पुना गच्छरना NT (BSI)

¹ नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

गलातिया 5:1 ပူးပေါင်းရင်းမြစ်များ

मत्तायोस 23:4

आर गा ओत्‍था चिर्खिन चॊद'आ गे जोगड़नर अरा अबड़न आलर ही ख़ेसेर नू लदनर, लिकिन ताम तम्‍है अंगली ती हूँ चॊद'आ मल बेद्दनर।

लू‍कस 5:38

औंगे पुना अंगुर रासी आबोन चपटा ही पुना कुड़वा नू निन्‍दना उइय्‍ना मनो।

त‍इरकर 15:10

औंगे अक्‍कु नीम एन्‍देरगे नन-यहूदी पत्त'ऊ आलर ही ख़ेसेर नू ओत्‍था पगसीन लद'अरकी धर्मेसिन बिढ़दर? एकदन नाम महले नम्‍है पूरखर चेड़'आ पोल्‍लर।

रोमी 6:14

पाप निमा उर्ब मल र'ओ, एन्‍देरगेका नीम अक्‍कु पॆसका ही तबे नू मल र'अदर, लिकिन धर्मेसी मया ही तबे नू र'अदर।

रोमी 6:18

अक्‍कु नीम पाप ही जॊंख़ ती अम्‍बरकर ती उजगो उज्‍जना ही जॊंख़ मंजका केरका र'अदर।

रोमी 7:3

लिकिन आद तंग्‍आलासी उज्‍जनुम उज्‍जनुम नन्नर ही मुक्‍का मनो होले आद नन्ना आलस गुसन कालू आली बार'ओ। लिकिन तंग्‍आलस खे'अदस कादस होले आद बेंज्रका नॆग ती अमब्र'ई क'ई। अरा आद नन्ना आलासी मुक्‍का मनी होले आद नन्ना आलस गुसन कालू आली मल्‍ली।

रोमी 7:6

लिकिन अक्‍कु नम्‍है म‍इय्याँ पॆसका राजी मल ननी। नाम अदगे केचका आलर बेसे र'अदत अरा ईद नम्‍है म‍इय्याँ सवंग नना पुल्‍ली। अक्‍कु नाम पच्चा नॆगन पॆस्रना ती मला नेम्‍हा बॊलतासिन पॆस्रना ती धर्मेसिन पुना घत ती तेतर-सुसर नना ओंग्‍दत।

रोमी 8:15

निमा जॊंख़ मंज ख़च्‍चना ही बॊलता मल्‍ला ख़क्ख्रका का अन्‍ति नीम अत्रु मुन्‍द लेक्‍खा एल्‍चोर। लिकिन नीम धर्मेसी बॊलतन ख़क्‍खकर इकला आस निमन तंग्‍है ख़द्द-ख़र्रा बेसे गढ़चस। अक्‍कु नाम आसिन “अना बबा, अना बंग” ब'अदत।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

1 कोरिन्‍थ 16:13

नीम एज्रका र'आ, अरा पत्त'अना नू ठिमठिम ने र'आ, अरा डिढ नना, अरा बड़ियर मना।

1 कोरिन्‍थ 7:22

एन्‍देरगेका ओर्तस उर्बासी मॆख़ना बेड़ा नू बिट्ठी ननू जॊंख़ रहचस होले, आस उर्बस नू छछिन्‍द आल मन्‍दस। अन्नेम ओर्तस उर्बासी मॆख़ना बेड़ा नू छछिन्‍द रहचस होले, आस मसीसी बिट्ठी ननू जॊंख़ मन्‍दस।

2 कोरिन्‍थ 11:20

एन्‍देरगेका नीकईम निमन बिट्ठी ननू जॊंख़ कम'आ बेद्ददस, अरा नीकईम निमन नुलख़दस, अरा नीकईम निम्है ओदहा ती अपन नफा हो'अदस, अरा नीकईम तंगन कोहाँ नन्दस, अरा नीकईम निमन चटक'अदस, होले हूँ नीम अबड़ारिन रिझ गने सहदर।

2 कोरिन्‍थ 3:17

उर्बस दिम बॊलतस र'अस, अरा एक्‍सन उर्बासी बॊलतस र'अस, असन छछिन्द र'ई।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

गलातिया 3:25

लिकिन अक्‍कु पत्त'अना बरचा, ख़ने नाम नॆग ही आकुस नू मलकत।

गलातिया 4:26

लिकिन सारा मेर्ख़ा येरुसलॆम, छछिन्‍द आली हवे। अरा आदिम नम्‍है अयंग।

गलातिया 4:31

औंगे भईरो, नाम बिट्ठी ननू जॊंख़ पेल्‍लो हागार ही ख़द्दत मलदत, लिकिन गच्छरका बिहई सारा ही ख़द्दत।

गलातिया 4:9

लिकिन अक्‍कु नीम धर्मेसिन अक्‍ख ख़च्‍चिकर। मानिम नू धर्मेस ती नीम अक्कर। होले नीम एकन्ने पयहा अरा लंडी सिखाब'अना तरा किर्रदर? अउरिम अबड़ा ही जॊंख़ मना बेद्ददर।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।

इफेसुस 6:14

औंगे मानी ही कमरपटी ती कड़मन भिड़'आ ती, अरा उजगो ही झिलम आबोन अत्ता ती बड़ियर इज्जका र'आ।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

1 थेस्‍सलोनिकॆयर 3:8

नीम धर्मेस नू पत्त'अना नू बड़ियर मन्नुम कादर, ईद एमा गे पुना उज्‍जनन चि'ई।

2 थेस्‍सलोनिकॆयर 2:15

औंगे भईरो, नीम बड़ियर मन्नुम कला अरा एम्‍है बई ती मेंजका कत्‍था ती महले एम्‍है चिठी ती नीम सिख्रका र'अदर अदिन धर'आ।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

इब्रानी 4:14

नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।

1 पतरस 2:16

नीम छछिन्‍द आलर लेक्‍खा उज्जा। लिकिन नीम गा धर्मेसी बिट्ठी ननू जॊंख़ र'अदर, औंगे निम्है छछिन्द आबोन मलदौ नना गे अमा बउर'आ।

2 पतरस 2:19

ईर आर गे ओन्टा छछिन्द उज्जनन गच्छरनर, लिकिन तामिम सोतबोड़'आ उज्जना गे जॊंख़ र'अनर। एन्देरगेका एकास एका मलदौ ती पोलदस चाड़ा, आस अदही जॊंख मनदस कादस।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।

दहदर मंजका कत्‍था 2:25

अन्‍ति नीम एंग्‍है बरना गूटी एंग्है नू जिटजिटने पत्त'अते र'अना र'ई।

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।