गलातिया 4:3 - पुना गच्छरना NT (BSI)

³ अन्नेम नाम ख़द्दत रहचकत आ गूटी ख़ॆख़ेल ता उर्मी बॊलता गुट्ठी ही तबे नू रहचकत।

गलातिया 4:3 ပူးပေါင်းရင်းမြစ်များ

मत्तायोस 11:28

अना उर्मी अर्ज'ऊ अरा ओत्‍था ती कज्रका आलारो! एंग्‍है गुसन बरा, ऎन निमा ख़न्‍न ऎख़्रत'ओन।

यॊहनस 8:31

तहाँ येसुस तंगन पत्ताचका अबड़ा यहूदीरिन बाचस, “नीम एंग्‍है कत्‍था नू बन्‍चका र'ओर होले, नीम मानिम नू एंग्‍है चेला मनोर।

त‍इरकर 15:10

औंगे अक्‍कु नीम एन्‍देरगे नन-यहूदी पत्त'ऊ आलर ही ख़ेसेर नू ओत्‍था पगसीन लद'अरकी धर्मेसिन बिढ़दर? एकदन नाम महले नम्‍है पूरखर चेड़'आ पोल्‍लर।

रोमी 7:14

नाम अख़दत का नॆग धर्मेसी बॊलता ती बर'ई। लिकिन ऎन गा मॆद सुबहा आल हिकदन, पाप गे बिट्ठी ननू जॊंख़ बेसे बीसरका र'अदन।

रोमी 8:15

निमा जॊंख़ मंज ख़च्‍चना ही बॊलता मल्‍ला ख़क्ख्रका का अन्‍ति नीम अत्रु मुन्‍द लेक्‍खा एल्‍चोर। लिकिन नीम धर्मेसी बॊलतन ख़क्‍खकर इकला आस निमन तंग्‍है ख़द्द-ख़र्रा बेसे गढ़चस। अक्‍कु नाम आसिन “अना बबा, अना बंग” ब'अदत।

2 कोरिन्‍थ 11:20

एन्‍देरगेका नीकईम निमन बिट्ठी ननू जॊंख़ कम'आ बेद्ददस, अरा नीकईम निमन नुलख़दस, अरा नीकईम निम्है ओदहा ती अपन नफा हो'अदस, अरा नीकईम तंगन कोहाँ नन्दस, अरा नीकईम निमन चटक'अदस, होले हूँ नीम अबड़ारिन रिझ गने सहदर।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

गलातिया 3:19

ईगे नॆग ही चाड़ एन्‍द्रा रहचा? ख़ॆख़ेल ता आलर गे अक्‍का-बलकन अख़त'आ गे का? ईद अब्राहमसी पिड़ही ही बरना गूटी र'ओ, अदगे गच्‍छरका रहचा, अरा धर्मेस तंग्‍है नॆगन मेर्ख़ा पैकर ती मूसासिन चिच्‍चस। एकास धर्मेस अरा आलर ही चिलकठवा रहचस।

गलातिया 4:2

लिकिन बंगासी ओक्‍ताचका बेड़ा अंड़सना गूटी ख़ापुर अरा ईरू-ख़ूजू आलर ही तबे नू र'अदस।

गलातिया 4:24

इबड़ा ऎंड़ मुक्‍कर जोक्‍खा ख़ीरी हिकनर। ईर धर्मेसी ऎंड़ गच्‍छरका हिकनर। ओन्‍टा मुक्‍का गा सीनाय परता हवे, अत्रु आलर नॆगन ख़क्‍खियर ती अदही जॊंख़ ‍मंजकर। अरा आद हागार हवे।

गलातिया 4:25

हागार अरबिया देस ता सीनाय परता हवे, आद अक्‍कु येरुसलॆम नगरे बेसे र'ई। एन्‍देरगेका आद तंग्‍है ख़द्दर गने नॆग ही जॊंख़ नू र'ई।

गलातिया 4:31

औंगे भईरो, नाम बिट्ठी ननू जॊंख़ पेल्‍लो हागार ही ख़द्दत मलदत, लिकिन गच्छरका बिहई सारा ही ख़द्दत।

गलातिया 4:8

नीम गा धर्मेसिन बल्‍ला लिक्‍कर ख़ने, एन्ने देंवता गुट्ठी ही तबे नू रहचकर एकाबड़ा मानी नू धर्मे मल्‍ली।

गलातिया 4:9

लिकिन अक्‍कु नीम धर्मेसिन अक्‍ख ख़च्‍चिकर। मानिम नू धर्मेस ती नीम अक्कर। होले नीम एकन्ने पयहा अरा लंडी सिखाब'अना तरा किर्रदर? अउरिम अबड़ा ही जॊंख़ मना बेद्ददर।

कोलोस्से 2:20

नीम मसीस गने केचकादर, ख़ने आस निमन ख़ॆख़ेल ता बॊलता गुट्ठी ही सवंग ती अम्तारका केरकादस। औंगे नीम एन्देरगे अक्कु गूटी ख़ॆख़ेल ता आलर लेक्खा अदही नॆग गुट्ठी नू एन्ने ऎकालदर का,

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

इब्रानी 5:12

ई बेड़ा गूटी गा निमा धर्मेसी कत्‍था ही सिखाब'ऊ मन्‍ना रहचा, लिकिन नीम गा एन्ने दसा नू र'अदर का अउर ओर्तस पारेड़ मुन्‍द निमा गे धर्मेसी कत्‍थन ऒर तिम सिखाब'अना ही चाड़ र'ई। नीम गा अक्‍कु गूटी बॊलॊ ख़द्दर लेक्‍खा र'अदर, नॆका मंडी ही मला दुदही ही चाड़ र'ई।

इब्रानी 7:16

लेवी गोतर ती बरना एन्ने ब'ऊ आलर ही नॆग चाल ही लेक्‍खा मल्‍ला, लिकिन मल नठारना उज्‍जना ही सवंग ती येसुस नैग मंजस।