गलातिया 3:5 - पुना गच्छरना NT (BSI)

⁵ धर्मेस निमा गे तंग्‍है बॊलतासिन चि'अदस ती निम्‍है नू अजगुत नलख नन्‍त'अदस, आद नॆग ही नलख गुट्ठी ती का महले दौ कत्‍थन पत्त'अना ती एन्ने नन्‍दस का?

गलातिया 3:5 ပူးပေါင်းရင်းမြစ်များ

त‍इरकर 14:3

पौलुस अरा बरनबास बग्‍गे उल्‍ला गूटी असन रहचर अरा डिढ गने उर्बस येसुसी पत्त नू तेंगा लगियर। उर्बस हूँ आर ती चिन्‍हा अरा अजगुत नलख गुट्ठी ऎद'आ गे आर गे सवंग चिच्‍चस ती आर ही कत्‍थन मानिम ऎदस।

रोमी 10:17

दौ कत्‍था मेन्ना ती पत्त'अना मनी, अरा मेन्‍तार'ई आद मसीसी कत्‍था हवे।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

1 कोरिन्‍थ 12:10

अरा नन्नस गे हैकट नलख गुट्ठी नन्ना ही सवंग, अरा नन्नस गे धर्मेसी कत्‍थन मुन्‍द तेंगना, अरा नन्नस गे बॊलता गुट्ठिन लखना, अरा नन्नस गे कैनो मदहे बलना भखा गुट्ठिन कछनख्रना, अरा नन्नस गे आ कैनो मदहे बलना भखा गुट्ठी ही मने तेंगना ही सवंग चीरकी र'ई।

2 कोरिन्‍थ 10:4

एम्है चॆत ही कमहड़ गुट्ठी सौंसार ता आलर बउर'अना कमहड़ गुट्ठी मल्‍ली, लिकिन गढ़ें गुट्ठिन धंस'ऊ धर्मेसी सवंगिय कमहड़ आबोन बउर'अदम।

2 कोरिन्‍थ 12:12

ऎन निम्‍है गने रहचकन ख़ने, ऎन मानिम नू एंगन पुरुब नंजकन का ऎन ओन्टा तइरकन। एकासे का ऎन कोड़हे कयास गने दुक्खे सारना ती निम्है मझी नू बग्गे चिन्‍हा अरा अजगुत नलख अरा हैकट नलख गुट्ठी ऎदकन।

2 कोरिन्‍थ 13:3

नीम गा इदही सबुती बेद्ददर का मसीस एंग्है त्रु ब'आलदस। अरा मसीस निम्है तरती पयहा मल्‍दस, लिकिन आस निम्है नू सवंगिय र'अस।

2 कोरिन्‍थ 3:8

आद अन्ने रहचा होले, नेम्‍हा बॊलतस ओन्द्रना गच्छरना एका कोड़हे महबा ही मल र'ओ का?

2 कोरिन्‍थ 9:10

धर्मेस दिम चाँख़'उर गे बिहनी अरा ओना-मॊख़ा गे ओन्ना-मॊख़नन चि'अदस। अन्नेम आस निमा चाड़ ही बिहनी चि'ओस ती अदिन पर्द'आ गे ननोस, अरा निम्है नू हरग जिया ती दान चि'अना ही कोड़हे ख़ंजपन कुन्द्रत'ओस।

गलातिया 3:2

ऎन निम्‍है ती ओन्‍टा कत्‍था ही पत्त नू अख़'आ बेद्ददन का एकासे नेम्‍हा बॊलतासिन नीम इंझ्रकर? मूसासी नॆगन नन्ना ती निमा गे बॊलतस ख़क्‍ख्रस का महले नीम मेंजका येसु मसीसी दौ कत्‍थन पत्त'अना ती ख़क्‍खरस का?

फिलिप्‍पी 1:19

एन्‍देरगेका ऎन अख़दन का निम्‍है गोहरारना गुट्ठी ती अरा येसु मसीसी बॊलतस चि'अना संगरा ती एंगा नाड़रना मनो।