गलातिया 3:2 - पुना गच्छरना NT (BSI)

² ऎन निम्‍है ती ओन्‍टा कत्‍था ही पत्त नू अख़'आ बेद्ददन का एकासे नेम्‍हा बॊलतासिन नीम इंझ्रकर? मूसासी नॆगन नन्ना ती निमा गे बॊलतस ख़क्‍ख्रस का महले नीम मेंजका येसु मसीसी दौ कत्‍थन पत्त'अना ती ख़क्‍खरस का?

गलातिया 3:2 ပူးပေါင်းရင်းမြစ်များ

त‍इरकर 15:8

धर्मेस ओर्मर ही सोच आबोन अख़दस, आस आरिन इंझरस। अरा आस नमा गे एकासे नंजस अन्नेम आर गे नेम्‍हा बॊलतासिन चिच्‍चस ती तंग्‍है इंझ्रनन ऎदस।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 8:15

आर इरबर असन केरर ती आर समारिया आलर गे नेम्‍हा बॊलतासिन ख़क्‍खा गे गोहरारर।

रोमी 1:17

नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

1 कोरिन्‍थ 9:21

नॆ यहूदी नॆग नू मलनर आरिन मसीस गुसन ओन्‍द्र'आ गे ऎन हूँ यहूदी नॆग मलका बेसे मंजकन। अन्नु हूँ ऎन धर्मेसी नॆगन मल अम्‍बकन, अरा मसीसी नॆगन ऎन पॆस्रकन।

2 कोरिन्‍थ 11:4

एन्देरगेका नीकईम निम्है गुसन बर'अरकी ऎम मल्‍ला तिंका एकअम नन्ना येसुसी पत्त नू तेंगदस, मलता नीम ख़क्ख्रका नेम्हा बॊलतासिन अम्बरकी एकअम नन्ना बॊलता ही पत्त नू ब'अदस, मलता नीम इंझ्रका दौ कत्था ती एकअम नन्ना दौ कत्‍थन ओन्द्रदस होले, नीम सेब्‍बा तिम अबड़न इंझ्रदर।

गलातिया 3:14

ईद इदगे मंजा का मसी येसुस ती अब्राहमसी आसीस नन-यहूदीर गे हूँ ख़क्‍ख्र'आ गे आस नमन नाड़ियस। अरा नम्‍है पत्त'अना ती ई बॊलतस नमा ख़क्‍‍ख्र'आ ओंग्‍दस एकासी पत्त नू गच्‍छरकी रहचा।

गलातिया 3:3

अना लूर मलका आलारो! एन्‍देर नीम नेम्‍हा बॊलतस ती ऒड़ नंजकर आ नलखन अक्‍कु नीम कया ही मने लेक्‍खा नना बेद्दा लगदर?

गलातिया 3:5

धर्मेस निमा गे तंग्‍है बॊलतासिन चि'अदस ती निम्‍है नू अजगुत नलख नन्‍त'अदस, आद नॆग ही नलख गुट्ठी ती का महले दौ कत्‍थन पत्त'अना ती एन्ने नन्‍दस का?

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

इब्रानी 4:2

एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।

इब्रानी 6:4

एन्‍देरगेका नॆ ओंग्‍होन धर्मेसी बिल्‍ली नू रहचकर अरा धर्मेसी आसीस आबोन अगमाचकानर अरा तम्‍है बटा ही नेम्‍हा बॊलतासिन ख़क्‍खकानर,

1 पतरस 1:12

आर गे तेंगतारा केरा का इबड़ा कत्था गुट्ठी तम्है उज्जना बेड़ा नू मल मनो, लिकिन बग्गे चाँन ही ख़ॊख़ा निम्है बेड़ा नू मनो। अरा मेर्ख़ा ती तइरका नेम्हा बॊलतासी सवंग ती निमा गे दौ कत्था तिंगुर ती अक्कुन ई दौ कत्था मेन्तारकी र'ई। ईद कोड़हे बॆस हवे का मेर्ख़ा पैकर हूँ इबड़ा कत्‍था गुट्ठी मन्नन ऎरा गे चिबाख़ारनर।