गलातिया 2:9 - पुना गच्छरना NT (BSI)

⁹ आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

गलातिया 2:9 ပူးပေါင်းရင်းမြစ်များ

मत्तायोस 16:18

अउर हूँ ऎन निंगन ब‍'अदन का नीन पतरस हिकदय, ऎन ई चचड़ी मइय्याँ एंग्‍है कलीसिया आबोन कम'ओन, अरा खे'अना ही सवंग अदन जित'आ पोल्‍लो।

लू‍कस 22:8

ख़ने येसुस पतरस अरा यॊहनसिन एन्ने बाचस ती त‍इय्यस, “कला नमा गे कट्टना ही सराजमा नना का नाम ओन संगे ओना मॊख़ा ओंग्‍दत।”

यॊहनस 1:42

अरा आस सिमॊनसिन येसुस गुसन होच्‍चस। येसुस आसिन ईरियस ती बाचस, “नीन यॊहनसी तंग्‍दय सिमॊन हिकदय। नीन ‘कॆफास’ बार'ओय।” (कॆफासिन ‘पतरस’ एन्ने हूँ ब'अनर।)

त‍इरकर 12:17

आस ख़ेक्खा ती कलेकले र'आ गे टिवांबाचस। अरा आस आरिन तिंगियस धर्मेस आसिन एकासे जेहेल ती ओथ्रस ओन्‍द्रस। फिन आस बाचस, “याकॊब अरा पत्त'ऊ भइय्योरिन इदही अरो चि'अके।” अरा आस असलेक उरखस ती नन्ना अड्डा किर्रिम बिच्‍चियस।

त‍इरकर 15:13

आर ही बाचका मुंजका ख़ॊख़ा याकॊबस बाचस, “अना भ‍ईरो, एंग्‍हैन मेना।

त‍इरकर 15:7

इदही पत्त नू बग्‍गे आनानख्रना मंजका ख़ॊख़ा पतरस इज्‍जस ती बाचस, “अना भ‍ईरो, नीम अख़दर का धर्मेस पहिल खेप निम्‍है मझी ती एंगन नन-यहूदीर नू दौ कत्‍था तेंगा गे चज्‍जियस, आर एंग्‍है ती दौ कत्‍था मेंजर अरा पत्ताचर।

त‍इरकर 4:36

यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

रोमी 15:15

अन्नु हूँ ऎन एसन एसन सुरता नन्‍त'आ गे निमा एकदन डिढ नंजकन ती लिखचकन, एन्‍देरगेका धर्मेस एंगा चिच्का ई मया ती

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

2 कोरिन्‍थ 11:5

अबड़ा “कोहाँ तइरकर” ती ऎन एन्‍देर कत्‍था नू हूँ ती सन्नी मलदन एन्ने सोचदन।

2 कोरिन्‍थ 12:11

ऎन गा बैहा आलर लेक्‍खा कछनख्रदन, लिकिन नीमिम एंगन एन्ने मना गे मंजकादर। नीम एंगन सुमर'अना र'ई। ऎन एन्‍द्रा हूँ मलदन, अन्नु हूँ निम्है ई “कोहाँ तइरकर” ती ऎन एन्‍देर कत्‍था नू हूँ ती सन्नी मलदन।

2 कोरिन्‍थ 8:4

आर एमन कोड़हे अरजी गने नॆचर का येरुसलॆम ता नेम्‍हा आलर ही संगरा नना गे सुसर नलख नू भागी मना गे तमा गे हूँ मोका ख़क्ख्र'ओ।

गलातिया 1:16

अरा आस एग्‍है नू अरा एंग्‍है ती तंग्दासिन दहदर नना गे हुकमारस। एकत्रु ऎन नन-यहूदीर नू तंग्‍दासी दौ कत्‍थन तेंगा कुद्दोन। इदही ख़ॊख़ा ऎन एक‍अम आलर ती सलहा मल्‍ला मंजका।

गलातिया 1:18

अरा ऎन तीन बछर ख़ॊख़ा पतरस गने भेंट मना गे येरुसलॆम केरकन अरा आसी गने पन्‍द्रा उल्‍ला रहचकन।

गलातिया 2:1

इदही चौदा बछर ख़ॊख़ा अउरिम ऎन बरनबास गने येरुसलॆम केरकन, अरा तीतुसिन हूँ संगे होच्‍चकन।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

गलातिया 6:3

एन्‍देरगेका एकअम ओर्तस तंग्‍है नलख नू मानिम बुझ्रदस होले, आस तंगन ठकदस।

इफेसुस 2:20

अरा तइरकर अरा धर्मेसी कत्‍था तिंगुर नेव हिकनर, आ नेव ही मइय्याँ नीम कम्रकादर। इय्या कोंड़ा ता पखना मसी येसुस दिम हिकदस।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

1 तीमोथियुस 3:15

एन्‍देरगेका एंग्‍है बरना नू घड़ही मनो होले, नीन अख़'ओय का आलर गे धर्मेसी एड़पातर नू एकासे उज्‍जना र'ई, आ एड़पातर दिम उज्‍जना धर्मेसी कलीसिया हवे। ई कलीसिया दिम मानिम सिखाब'अना ही खुटा अरा नेव हवे।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

दहदर मंजका कत्‍था 3:12

नॆ जित'ओस आसिन ऎन एंग्‍है धर्मेसी मन्दिर नू ओन्टा खुटा कम'ओन। अरा आस इकला हूँ अइय्या ती मल गुछर'ओस। अरा ऎन आसी मइय्याँ एंग्है धर्मेसी नामेन अरा एंग्‍है धर्मेसी नगरे ही नामेन लिख'ओन। पुना येरुसलॆम दिम धर्मेसी नगरे हवे। ईद एंग्है धर्मेस ती मेर्ख़ा तरती इत्त'ई। अरा ऎन एंग्‍है पुना नामेन हूँ आसी मइय्याँ लिख'ओन।