गलातिया 2:6 - पुना गच्छरना NT (BSI)

⁶ अरा कलीसिया ता मुद्धर एकार एका कोहाँ मुध होले हूँ आर एंग्हा तिंका दौ कत्‍था गने इन्द्रिइम मल जोड़चकर। आर कोहाँ मुध र'ओर महले सन्नी र'ओर, एंगा गे अदही नू एन्‍द्रा हूँ सोच मलकी। धर्मेस नॆख'आ हूँ मुहिन ऎररकी नेंव‍ई मल नन्‍दस।

गलातिया 2:6 ပူးပေါင်းရင်းမြစ်များ

मत्तायोस 22:16

आर जोक्को तम्‍है चेलारिन अरा हॆरॊदॆरिन येसुस गुसन ब'आ गे तइय्यर, “अना गुरु! ऎम अख़दम का नीन उजगो आलय अरा नीन धर्मेसी डहरेन मानी गने तेंगदय, नीन आलर एन्‍देर सोच'ओर अदही पत्त नू गुनन मल नन्‍दय, अरा नीन तीना मल ख़ाँड़दय।

मरकुस 12:14

आर येसुस गुसन बरचर ती बाचर, “अना गुरु! ऎम अख़दम का नीन उजगो आलय, नीन आलर एन्‍देर सोच'ओर अदही पत्त नू गुनन मल नन्‍दय, अरा नीन तीना मल ख़ाँड़दय। नीन धर्मेसी डहरेन मानी गने तेंग‍दय। यहूदी नॆग नमन कैसरस गे मालगुजारी चि'आ गे पॆस'ई का मला?

लू‍कस 20:21

अबड़ा जोह'ऊ आलर येसुसिन मेंजर, “अना गुरु! ऎम अख़दम का नीन मानिम आबोन ब'अदय अरा सिखाब'अदय, अरा तीना मल ख़ाँड़दय, लिकिन धर्मेसी डहरेन मानिम गने सिखाब'अदय।

त‍इरकर 10:34

पतरस ब'आ हेलरस, “ऎन अक्‍कु बड़ियर लगे बुझ्रकन का धर्मेस नॆकन हूँ तीना मल ख़ाँड़दस।

त‍इरकर 5:36

जोक्‍क उल्‍ला मुन्‍द थेउदास दहदर मंजस, आस ऎन कोहाँ आलस र'अदन बाचस, अरा चार सौ केम आलर आसी ख़ॊख़ा ईकू आलर रहचर। लिकिन आस पिटतारस, अरा आसी पॆस्र'ऊ आलर ओर्मर छितियारर केरर अरा आर एन्‍देर हूँ नना पोल्‍लर।

रोमी 2:11

एन्‍देरगेका धर्मेस नॆख'आ तरा हूँ मल मन्‍दस।

2 कोरिन्‍थ 11:5

अबड़ा “कोहाँ तइरकर” ती ऎन एन्‍देर कत्‍था नू हूँ ती सन्नी मलदन एन्ने सोचदन।

2 कोरिन्‍थ 12:11

ऎन गा बैहा आलर लेक्‍खा कछनख्रदन, लिकिन नीमिम एंगन एन्ने मना गे मंजकादर। नीम एंगन सुमर'अना र'ई। ऎन एन्‍द्रा हूँ मलदन, अन्नु हूँ निम्है ई “कोहाँ तइरकर” ती ऎन एन्‍देर कत्‍था नू हूँ ती सन्नी मलदन।

2 कोरिन्‍थ 5:16

औंगे ऎम अक्कु ती नॆकन हूँ कया ही सुबहा ती मल लेखदम जोक्खदम, ऎम मुन्द मसीसिन एन्ने कया सुबहा ती लेखकम जोक्खकम, लिकिन अक्‍कु ती इकला हूँ आसिन अन्नेम मल नन्दम।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

गलातिया 6:3

एन्‍देरगेका एकअम ओर्तस तंग्‍है नलख नू मानिम बुझ्रदस होले, आस तंगन ठकदस।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।

इब्रानी 13:7

निमन धर्मेसी कत्‍था सिखाबाचका निम्‍है कड़हाब'उरिन सुरता नना। अरा आर तम्‍है उज्‍जना नू एकासे उज्‍जालियर अदन सुरता नना। अरा आर एकासे पत्ताचर ‍अन्ने नीम हूँ पत्त'आ।

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।