गलातिया 2:3 - पुना गच्छरना NT (BSI)

³ तीतुस एंग्‍है गने येरुसलॆम केरकाचस, आस नन-यहूदी आलस रहचस। अन्नु हूँ आर आसिन खतना नना गे बड़पेलहा मल नंजर।

गलातिया 2:3 ပူးပေါင်းရင်းမြစ်များ

त‍इरकर 15:24

ऎम मेंजकादम का एम्‍है ती जोक्‍क भ‍इ‍य्योर निम्‍है हेद्दे बरचर ती तम्‍है कत्था ती निमन अकबकाम बाचर अरा निमन हदियाचर। लिकिन आर गे ऎम एन्ने एन्‍देर पॆसका हूँ मल चिच्का रहचकम।

त‍इरकर 16:3

पौलुस तीमोथियुसिन तंग्‍है गने संगे मना गे मने नंजस। लिकिन आ चक नू र'ऊ उर्मी यहूदी आलर अख़नर का आसी बंगस युनानी रहचस। औंगे पौलुस आसिन होच्‍चस ती खतना नन्‍ताचस।

2 कोरिन्‍थ 2:13

अन्नु हूँ असन एंग्‍है जिया गे कोड़े मल ख़क्‍खरा, एन्‍देरगेका एंग्‍है भइय्योस तीतुसिन असन मल ख़क्‍खन। औंगे ऎन असता आलर ती बिदा मंजकन ती मकेदोनिया काला गे मुंहरारकन।

गलातिया 2:1

इदही चौदा बछर ख़ॊख़ा अउरिम ऎन बरनबास गने येरुसलॆम केरकन, अरा तीतुसिन हूँ संगे होच्‍चकन।

2 तीमोथियुस 4:10

एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।