गलातिया 2:2 - पुना गच्छरना NT (BSI)

² धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

गलातिया 2:2 ပူးပေါင်းရင်းမြစ်များ

मत्तायोस 10:16

ऎरा! कला, ऎन निमन भेंडो लेक्‍खा भुसुड़ गुट्ठी ही मझी नू त‍इय्‍दन। औंगे नेर्रे गुट्ठी लेक्‍खा लूरगर अरा पेरवाँ गुट्ठी लेक्‍खा लुद‍ऊ मना।

त‍इरकर 15:12

तहाँ ओर्मा खोंड़हा कलेकसे मंजा अरा पौलुसी अरा बरनबासी कत्‍थन मेंजा का धर्मेस आर ही ती एन्‍देर एन्‍देर चिन्‍हा दरा अजगुत नलख गुट्ठी नन-यहूदीर मझी नू नंजस।

त‍इरकर 15:2

इदही पत्त नू पौलुस दरा बरनबास अरा अबड़ा आलर गने कोड़हे आनानख्रना मंजा। औंगे कलीसिया पौलुस अरा बरनबास अरा अन्‍तियोख़ेया ता जोक्‍क पत्त'उरिन येरुसलॆम त‍इय्या गे तिगचर का असन आर ई पत्त नू त‍इरकर अरा सेयान आलर गने कछनख्र'ओर।

त‍इरकर 15:4

आर येरुसलॆम अंड़सियर ख़ने, कलीसिया अरा त‍इरकर अरा सेयान आलर आरिन परघाचर। अरा आर धर्मेस आर ही ती एन्‍देर एन्‍देर नलख नंजस अबड़ा उर्मिन तिंगियर।

त‍इरकर 18:9

ओन माख़ा उर्बस पौलुसिन देखार चिच्‍चस ती बाचस, “अमा एल्‍चा, तेंगतेम र'आ, कलेकले अमा र'आ।

त‍इरकर 23:11

अउलम माख़ा उर्बस पौलुसी हेद्दे इज्‍जस ती बाचस, “अना पौलुस डिढ नना, एन्‍देरगेका एकासे नीन येरुसलॆम नू एंग्‍है गोवाह चिच्‍कय, अन्नेम निंगा रोम नगरे नू हूँ गोवाह चि'अना र'ई।”

त‍इरकर 5:34

आ बारी ओर्मा आलर ती म‍ईन ख़क्ख्रका नॆग सिखाब'ऊ गमालिऎल नामे ओन्‍टा फरिसीस कोहाँ सभा नू इज्‍जस अरा त‍इरकारिन एगघड़ी गे बहरी त‍इय्या गे आनियस।

रोमी 9:16

औंगे ईद आलर ही मने ती मला महले आलर ही तिहा ती मला। धर्मेस नॆख'आ म‍इय्याँ सोग्‍गे ऎरा गे मने नन्‍दस आरिन आस चाज्‍जदस।

1 कोरिन्‍थ 1:23

लिकिन ऎम गा क्रुस नू ठोकचका मसीसी पत्त नू तेंगा कुद्दम। ईद यहूदीर गे मूड़ना ही चड्डे र'ई, अरा नन-यहूदीर गे ख‍ईता र'ई।

1 कोरिन्‍थ 2:2

एन्‍देरगेका ऎन निम्‍है नू येसु मसी अरा क्रुस नू आसी खे'अनन अम्‍बरकी नन्‍ना इन्द्रिइम ही पत्त नू मल तेंगा गे तिगचका रहचकन।

1 कोरिन्‍थ 9:24

एन्‍देर नीम इदिन बलदर का बोंगना नू बुंगुर ओर्मर गा बोंगनर, लिकिन ओर्तोस लेका इनाम ख़क्‍खदस? औंगे नीम जितना बेसे बोंगा।

1 कोरिन्‍थ 9:26

औंगे ऎन अयंध'आ बेसे मल बोंगदन। नॆ ताका ती अरबानख्रनर आर बेसे ऎन मल कुंहड़ाचनख्रदन।

2 कोरिन्‍थ 12:1

एंगा अउर हूँ फुलई मना गे चाड़ र'ई होले, ऎन फुलई मनोन, लिकिन अत्रु ती एन्द्रा हूँ दौ मल्‍ली। अन्नु हूँ उर्बस ती एंगा ख़क्ख्रका देखार अरा दहदर गुट्ठिन ऎन तेंगोन।

गलातिया 1:12

ऎन अदिन एकअम आलस ती मल्‍ला इंझ्रका, अरा एकअम आलस ती हूँ मल्‍ला सिख्रका, आद एंगा येसु मसीस दहदर नंजस ख़ने ख़क्‍ख्रा।

गलातिया 1:16

अरा आस एग्‍है नू अरा एंग्‍है ती तंग्दासिन दहदर नना गे हुकमारस। एकत्रु ऎन नन-यहूदीर नू तंग्‍दासी दौ कत्‍थन तेंगा कुद्दोन। इदही ख़ॊख़ा ऎन एक‍अम आलर ती सलहा मल्‍ला मंजका।

गलातिया 1:6

धर्मेस मसीसी मया ती निमन मीख़ियस। एंगा हैकट मंजा का एन्ने चाँड़हे नीम आसिन अम्‍बकर ती नीम नन्‍ना रकम ही दौ कत्‍थन मेंजकर ती किर्रा लगदर।

गलातिया 2:6

अरा कलीसिया ता मुद्धर एकार एका कोहाँ मुध होले हूँ आर एंग्हा तिंका दौ कत्‍था गने इन्द्रिइम मल जोड़चकर। आर कोहाँ मुध र'ओर महले सन्नी र'ओर, एंगा गे अदही नू एन्‍द्रा हूँ सोच मलकी। धर्मेस नॆख'आ हूँ मुहिन ऎररकी नेंव‍ई मल नन्‍दस।

गलातिया 2:9

आलर याकॊब अरा पतरस अरा यॊहनसिन कलीसिया ही कोहाँ मुद्धर लेक्‍खा सोचर। आर धर्मेस ती एंगा ख़क्‍ख्रका मया आबोन अक्‍खर। आर एंगन अरा बरनबासिन संगे नलख ननू लेक्‍खा इंझ्रर अरा रिझाबाचर का ऎम नन-यहूदीर गुसन क'ओम, अरा ताम यहूदीर गुसन क'ओर।

गलातिया 5:7

नीम गा एका नगदे दौ बोंगनन बोंगा लिक्‍कर। अक्‍कु निमन नॆ छेंकचा का नीम मानिमन अमा पॆस्र'आ?

फिलिप्‍पी 2:16

नीम उज्‍जना ही कत्‍थन धर'आ ती मेन्त'अना बारी नीम एन्नेम बिल्चोर। होले निम्है नू ता एंग्है कोड़हे चिहुट नन्ना महले अर्ज'अना अनभनियाँ मल मंजा एन्ने ऎन निम्है चड्डे मसीस ख़ॆख़ेल नू किर्रना उल्‍ला नू फुलई मनोन।

फिलिप्‍पी 2:29

औंगे उर्बस नू कोड़हे रि‍झ ती आसिन परिघ'आ, अरा ईसी लेक्खा आलारिन मईन नना।

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।

2 तीमोथियुस 4:7

ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।

इब्रानी 12:1

औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।