गलातिया 1:4 - पुना गच्छरना NT (BSI)

⁴ येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

गलातिया 1:4 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

मत्तायोस 26:28

एन्‍देरगेका ई अंगुर रासी एंग्‍है ख़ॆंस हवे, एकदा ऎन बाहत'आ गे कालालदन, ई ख़ॆंस ती ऎन बग्‍गे आलारिन पाप ती अम्‍बा गे धर्मेस नंजका गच्‍छरकन बड़ियर ननोन।

मत्तायोस 26:42

आस फिन दुसर खेप किर्रिम बिच्चियस अरा बिन्‍ती नंजस, “अना एग्‍है बंगायो, ई खिलपत एंग्‍है बिगर ओं‍डका मल टाड़र'ओ होले, निंग्‍है मने दिम मना नेक‍अन।”

मत्तायोस 6:9

औंगे नीम एन्ने गोहरारके: ‘अना एम्‍है मेर्ख़ा नू र'ऊ बबा, निंग्‍है नामे नेम्‍हा मनन नेकअन।

मरकुस 10:45

एन्‍देरगेका मनवा ख़द्दन ऎन हूँ आलारिन तेतर-सुसर नन्‍त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

लू‍कस 22:19

एन्ने ब'अरकी असमन होच्‍चस ती धर्मेस गे धन्‍यवाद नंजस। फिन अदिन किच्‍चियस ती चेलर गे चिच्‍चस अरा बाचस, “ईद एंग्‍है मॆद हिके, ईद निमा गे चीतारकी र'ई, एंग्‍है सुरता गे इदन नना।”

लू‍कस 22:42

“अना एंग्‍है बबा, निंग्‍है मने र'ई होले ई सस्‍ती अरा खे'अनन एंग्‍है ती ताड़'आ। लिकिन एंग्‍है मने ती मला निंग्‍है मने ती दिम नना।”

यॊहनस 10:11

ऎन दिम बॆस महरा हिकदन। बॆस महरस तंग्‍है भेंडो गे तंग्‍है जियन चि'अदस।

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

यॊहनस 5:30

ऎन एंग्‍है मने लेक्‍खा एन्‍देर हूँ नना पोलदन। धर्मे बंगस ब'अना लेक्‍खम दिम ऎन नेंव‍ई नन्दन। अरा एंग्‍है नेंवई नन्‍ना उजगो र'ई, एन्‍देरगेका ऎन एंगा पत्तार'आ गे मला, एंगन त‍इय्‍का एम्‍बासिन पत्तार'आ गे बेद्ददन।

यॊहनस 6:38

एन्‍देरगेका ऎन एंग्‍है मनेन नना गे मला, लिकिन एंगन तइय्‍का धर्मेसी मनेन नना गे मेर्ख़ा ती इत्तकादन।

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

रोमी 4:25

येसुस नम्‍है अक्‍का-बलका गुट्ठी गे खे'आ गे चितारस, अरा नमन उजगो आल कम'आ गे केचका ती उज्‍जा चॊच्‍चस।

रोमी 8:27

धर्मेस आलर ही जिया ही सोच आबोन अख़दस। अरा आस नेम्‍हा बॊलतासी मने एन्‍देर र'ई अदिन अख़दस। एन्‍देरगेका नेम्‍हा बॊलतस नेम्‍हा आलर गे धर्मेसी मने लेक्‍खा धर्मेसिन गोहरारदस।

रोमी 8:3

नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्‍है नलखन मुंज ख़च्‍चा गे पोल्‍ला। लिकिन धर्मेस गा अदिन नंजस एकदा मूसासी नॆग नना पोल्‍ला। आस तंग्‍है ख़द्दासिन नाम पपहर ही कया बेसे ता कया नू पाप दाँड़े चि'आ गे त‍इय्यस। ई बेसे धर्मेस ओन्‍टा आल कया नू पाप आबोन दंडे चिच्‍चस।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

1 कोरिन्‍थ 15:3

ऎन ख़क्‍खका कत्‍था अरा कोड़हे मुध एन्ने बाचर ती निमा गे अंड़सताचका कत्‍था ईद हवे का, नेम्‍हा पुथी नू एकासे लिख्रकी र'ई, अन्नेम मसीस नम्‍है पाप गुट्ठी गे केच्‍चस।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

गलातिया 6:14

ऎन गा नम्‍है येसु मसीसी क्रुस आबोन अम्‍बरकी नन्‍ना एकअम कत्‍था नू फुल‍ई मल मन्दन नेक‍अन। मसीसी ई क्रुस ही चड्डे एंगा ख़ॆख़ेल ता मया मॊख़ क्रुस नू ठोकरकी र'ई, अरा ऎन हूँ ई ख़ॆख़ेल ता मया मॊख़ा गे क्रुस नू ठोकरकन।

इफेसुस 1:11

तंग्है उर्मी चिताबुतन तंग्है मने ही लेक्खा पूरा ननू धर्मेसी चिताबुता ही लेक्खम नाम मुन्द दिम ठंचका ती मसीस नू चजका र'अदत।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 5:16

उल्‍ला गुट्ठी डउल मल्का ती उर्मी मोका आबोन दौ नना गे बउर'आ।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

फिलिप्‍पी 4:20

अक्कु नम्‍है धर्मे बंगस गे हुल्‍लो ती हुल्‍लो गूटी महबा मनन नेकअन। आमेन।

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

1 थेस्‍सलोनिकॆयर 3:11

अक्‍कु नम्‍है धर्मेस‍ बंगस अरा उर्बा येसुस दिम निम्‍है गुसन बर'आ गे एमन डहरे ऎद्ददस नेक‍अन।

1 थेस्‍सलोनिकॆयर 3:13

इकला नम्‍है उर्बा येसुस तंग्‍है उर्मी नेम्‍हा आलर गने बर'ओस, आस नम्‍है धर्मेस अरा बंगस ही मुन्‍दहारे नीम बिगर बदी ही आलर अरा नेम्‍हा आलर र'आ गे निम्‍है जियन बड़ियर नन्‍दस नेक‍अन।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

1 तीमोथियुस 2:6

आस तंगन ओर्मा आलारिन नाड़रना ही दामे नू चिच्‍चस, ई कत्‍था दिम धर्मेस ती आलर गे ठौका बेड़ा नू चितारा।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

इब्रानी 2:5

आ बरना पुना सौंसे ही पत्त नू नाम कछनख्र'आ लगदत, अदिन राजी नना गे मेर्ख़ा पैकारिन धर्मेस मल चज्‍जियस।

इब्रानी 6:5

अरा धर्मेसी कत्‍था ही दौ अरा बरना पुना सौंसे ही सवंग आबोन अगमाचकानर,

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।

1 पतरस 2:24

आस नम्‍है पाप गुट्ठिन तंग्‍है मॆद नू चेड्डस ती क्रुस नू अरगियस, एकत्रु नाम पाप नन्नन अम्बदत ती उजगो उज्जना उज्जा ओंग्दत। अरा आसी लौर मोक्का ती नीम उजगारका र'अदर।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 यॊहन 2:2

अरा आसिम नम्है पाप गुट्ठिन ओथ्रना ही दाँड़े हिकदस, नम्है पाप गुट्ठिन लेका मला सौंसे ख़ॆख़ेल ता आलर ही पाप गुट्ठिन ओथ्रना दाँड़े हिकदस।

1 यॊहन 3:16

मसीस तंग्है जियन नमा गे चिच्का ती नाम इदन अख़दत का चोन्हा एन्द्रा र'ई। औंगे नाम हूँ नम्है संगे मसी भईर गे नम्है जियन चि'अना र'ई।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।

दहदर मंजका कत्‍था 7:9

इबड़ा कत्था ही ख़ॊख़ा ऎन ईरकन ख़ने, ऎरा, उर्मी राजी अरा गोतोर अरा आल खोंड़हा अरा भखा ती बरचका नॆ हूँ गन'आ पोलना ओन्टा कोहाँ आल गोंहड़न ईरकन। अबड़र पंडरु किचरी गुट्ठी अत्तका ती तम्है ख़ेक्खा नू कींदा डहुड़ा गुट्ठी धरचका बॆल-गदिया ही मुन्दहारे अरा भेंडो ख़द्द मसीसी मुन्दहारे इज्‍जका रहचर।