इफेसुस 6:9 - पुना गच्छरना NT (BSI)

⁹ अना उर्बारो, नीम हूँ घुड़कानन अम्‍बरकी आर ही गने अन्नेम नना, एन्‍देरगेका नीम अख़दर का आर अरा नीम इरबर ही उर्बस मेर्ख़ा नू र'अदस, अरा आस नॆकन हूँ तीना मल ख़ाँड़दस।

इफेसुस 6:9 ပူးပေါင်းရင်းမြစ်များ

मत्तायोस 22:10

औंगे अबड़ा जॊंखर डहरे तरा केरर ती कोड़े मल कोड़े एवंदा आलारिन ख़क्‍खियर ओर्मारिन ख़ॊंड़चर, बेंजा एड़पा पाहियर ती निंदिया केरा।

मत्तायोस 22:8

ख़ने आस तंग्‍है जॊंख़ारिन बाचस, ‘बेंजा मंडी गा सर्चकी र'ई, लिकिन एड्डका आलर जॊगे मल मंजर।

मत्तायोस 24:48

लिकिन आ मलदौ जॊंख़स तंग्‍है उर्बस दीरी ती बर'ओस ब'अरकी तंग्‍है जिया नू ब'ओस

मत्तायोस 24:51

ती आस गे कोड़हे दंडे चि'ओस। आस आस गे उतुरमाड़ुर गने हिसा चि'ओस। असन आलर गे चींख़ना ओलख़ना अरा पल्‍ल चब्रना मनो।

मत्तायोस 7:12

आलर एन्‍दरन निमन नना नीम बेद्ददर, अबड़न नीम आर गे नना। एन्‍देरगेका मूसासी पॆसका अरा धर्मेसी कत्‍था तिंगुर ही आनना ईदिम हवे।

लू‍कस 6:31

आलर एकासे निमन नना नीम बेद्ददर, अन्‍नेम नीम आर गे नना।

यॊहनस 13:13

नीम एंगन ‘गुरु’ अरा ‘उर्बय’ एन्ने मॆख़दर, अरा एन्ने निम्‍है मॆख़ना ठ‍उकम हिके, एन्‍देरगेका ऎन आसिम हिकदन।

त‍इरकर 10:34

पतरस ब'आ हेलरस, “ऎन अक्‍कु बड़ियर लगे बुझ्रकन का धर्मेस नॆकन हूँ तीना मल ख़ाँड़दस।

रोमी 2:11

एन्‍देरगेका धर्मेस नॆख'आ तरा हूँ मल मन्‍दस।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 7:22

एन्‍देरगेका ओर्तस उर्बासी मॆख़ना बेड़ा नू बिट्ठी ननू जॊंख़ रहचस होले, आस उर्बस नू छछिन्‍द आल मन्‍दस। अन्नेम ओर्तस उर्बासी मॆख़ना बेड़ा नू छछिन्‍द रहचस होले, आस मसीसी बिट्ठी ननू जॊंख़ मन्‍दस।

कोलोस्से 3:25

एकास मलदौ नन्दस, आस तंग्है नंजका मलदौ ही लेक्खा ऊजिन ख़क्‍खोस। अरा नॆख'आ हूँ तीना माल ख़ड़ना मल मनी।

कोलोस्से 4:1

अना उर्बारो, निमा गे हूँ मेर्ख़ा नू ओन्टा उर्बस र'अदस एन्ने अख़'अरकी नीम निम्है बिट्ठी ननू जॊंख़र गे एन्देर एन्देर ठौका अरा बॆस र'ई अदिन चि'आ हो'आ।

याकॊब 2:13

एन्देरगेका नॆ सोग्‍गे मल ईरियस, आसी नेंवई बेगर सोग्‍गे गने मनो। नॆ नन्नर मइय्याँ सोग्‍गे ऎरदस, आस नेंवई उल्ला गे मल एलच्दस।

याकॊब 2:8

“नीन निंगन एकासे चोन्‍हा नन्‍दय, अन्ने निंग्‍है अरबा-परबारिन चोन्‍हा नना।” एन्ने नेम्‍हा पुथी नू लिख्रका ई कोड़हे मुध पॆसकन नीम मानिम गने नन्दर होले, नीम बॆस आबोन नन्दर।

याकॊब 5:4

ऎरा, बनिहार आलर निम्है ख़ल्लन ख़ोस्सर, नीम आर ही बनिन मल चिच्चकर, अक्कु आर गे मल चिच्का बनी निम्है बिड़दो नू गोहरार'आ लगी। अरा आ बनिहार ही गोहरारना उर्मी ती सवंगिय धर्मे उर्बस गुसन अंड़सकी र'ई।