इफेसुस 6:21 - पुना गच्छरना NT (BSI)

²¹ अक्कु एम्है चोन्हा भईस उर्बस नू पत्त'अना जॊगे जॊंख़स तुख़िखोस एंग्है पत्त नू उर्मिन निमा गे तेंगोस। होले नीम हूँ ऎन एकासे र'अदन अरा एन्देर ननालदन उर्मिन अख़'आ ओंगोर।

इफेसुस 6:21 ပူးပေါင်းရင်းမြစ်များ

त‍इरकर 20:4

बेरोया नगरे ता पुर्रोसी तंग्‍दस सॊपत्रोस, अरा थेस्‍सलोनिकॆ नगरे ता अरिस्‍तरख़ोस अरा सेकुन्‍दोस अरा देरबै नगरे ता गायोस अरा तीमोथियुस अरा आसिया ता तुख़िखोस अरा त्रुफिमोस आसी गने केरर।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

फिलिप्‍पी 1:12

अना भईरो! ऎन इदन नीम अख़'आ बेद्ददन का इय्या एंग्‍है नू मंजा अबड़ा उर्मी दौ कत्‍थन बींड़'आ गेम संगरा नंजा।

कोलोस्से 1:7

ई दौ कत्थन नीम एम्है गने सुसर ननू एम्है चोन्हा भई एपाफ्रास ती सिख्रकर। आस एम्है ऊजी नू निम्है मझी नू मसीसी पत्त'अना जॊगे सुसर ननुस हिकदस।

1 तीमोथियुस 4:6

नीन भइय्योरिन इबड़ा कत्‍थन सिखाब'ओय होले, नीन पॆस्रका पत्त'अना ही मानिम नू अरा दौ सिखाब'अना नू बड़ियर मंजका मसी येसुसी बॆस जॊंख़य मनोय।

2 तीमोथियुस 4:12

तुख़िखोसिन ऎन इफेसुस नगरे त‍इय्‍का र'अदन।

तीतुस 3:12

ऎन निंग्‍है गुसन अरतेमास महले तुख़िखोसिन त‍इय्योन, एंग्‍है हेद्दे लॆम नीकुपुलिस बरना ही चिहुट ननके। एन्‍देरगेका ऎन असानिम प‍ईय्याँ उल्‍लन पहाब'आ गे तिगचकन।

फिलॆमॊन 1:16

लिकिन अक्‍कु आस बिट्ठी ननू जॊंख़ लेक्‍खा मला, बिट्ठी ननू जॊंख़ ती हूँ कोहँस, अरा चोन्‍हा भईस बेसे र'अदस। आस एंगा गे कोड़हे चोन्हा ही जॊगे र'अदस। लिकिन कोड़हे गा आस ओन्टा आल नता ती हूँ, अरा उर्बस नू ओन्टा भई नता ती हूँ आस निंगा गे अउर कोड़हे चोन्हा जॊगे र'अदस।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

2 पतरस 3:15

अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।