इफेसुस 6:20 - पुना गच्छरना NT (BSI)

²⁰ ई दौ कत्था ही चड्डेम ऎन धर्मेसी ओन्टा पैकन हिकदन अरा अक्कु जेहेल नू हॆंरका र'अदन। एंगा एकासे तेंगना र'ई अन्ने डिढ ती तेंगा गे गोहरार'आ।

इफेसुस 6:20 ပူးပေါင်းရင်းမြစ်များ

त‍इरकर 21:33

ख़ने फउद उर्बस हेद्दे बरचस ती पौलुसिन हॆंचस, अरा दुई गोटा सिकड़ी ती हें'आ गे आनियस ती मेंजस, “ईस एका ओर्तस अरा ईस एन्‍देर नंजका र'अदस?”

त‍इरकर 26:29

ख़ने पौलुस आनाकिर्ताचस, “जुक्‍की नू महले बग्‍गे नू एन्ने मला, धर्मेस ती एंग्‍है गोहरारना र'ई का, इन्ना नीन लेका मला लिकिन नॆ नॆ एंग्‍है कत्‍थन मेना लगनर, आर येसुसिन पत्त'अना नू एंग्‍है लेक्‍खा मन्नर नेकअन, लिकिन एंग्है लेक्खा हॆंरका मल मन्नर नेकअन।”

त‍इरकर 28:20

इदही चड्डे ऎन निमन ओर्मारिन मीख़कन का निम्‍है गने भेंट मनोन अरा कछनख्र'ओन। इस्राऎल आलर बर'ओस एन्ने पाब ईरका मसीसी म‍इय्याँ ता एंग्है पत्त'अना ही चड्डे तिम ऎन सिकड़ी ती हॆंरकादन।”

त‍इरकर 28:31

अरा आस बिगर छेके-रुके ती डिढ गने धर्मेसी राजी ही पत्त नू तेंगा कुद्दा लगियस अरा उर्बस येसु मसीसी पत्त नू सिखाब'आ लगियस।

त‍इरकर 5:29

ख़ने पतरस अरा नन्ना त‍इरकर आनाकिर्ताचर, “एमा गे आलर ही ती धर्मेसी पॆस्रना कोड़हे चाड़ र'ई।

2 कोरिन्‍थ 3:12

औंगे एन्ने लेक्खा असरा एमा गे र'अना चड्डे ऎम कोड़हे डिढ गने र'अदम।

2 कोरिन्‍थ 5:20

औंगे धर्मेस एम्है तरती दिम तंग्है ने'अनन नन्ना लेक्खा ऎम मसीसी पैकम हिकदम। ई चड्डे नीम धर्मेस गने मेसाब'आ ब'अरकी मसीसी ऊजी नू ऎम निमन ने'अदम।

इफेसुस 3:1

ई चड्डे ऎन पौलुस निमा नन-यहूदीर गे दौ कत्था तेंगना ही चड्डे मसी येसुसी हॆंरका मंजकादन।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 6:19

अरा एंगा गे हूँ गोहरार'आ का ऎन एका एका बारी धर्मेसी कत्थन तेंगोन, आ बारी डिढ ती दौ कत्‍था ही गम आबोन तेंगा गे धर्मेस कत्था गुट्ठिन चि'अदस नेकअन।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

फिलिप्‍पी 1:7

नीम ओर्मर ही पत्त नू एंगा एन्ने सोचना ठौका दिम हवे। एन्‍देरगेका निमा गे एंग्है जिया नू ओन्टा मुध अड्डा र'ई। अरा ऎन जेहेल नू र'अना बारी, अरा दौ कत्‍था ही ओदहा नू तेंगरकी अदिन बड़ियर ननो बारी नुम नीम ओर्मर धर्मेस एंगा चिच्का नलख नू मेस्रकर।

कोलोस्से 4:3

अरा इदही गने एमा गे हूँ गोहरार'आ का धर्मेस एमा गे दौ कत्‍था तेंगा गे बलिन तिसगदस नेकअन। होले ऎम मसीसी पत्त ता गम ही कत्‍थन तेंगा ओंगोम। ई नलख ही चड्डेम ऎन जेहेल नू हॆंरकादन।

कोलोस्से 4:4

अरा एकासे एंगा तेंगना चाड़ र'ई, अन्नेम ई कत्थन फरीफरी तेंगा गे एंगा गे गोहरार'आ।

1 थेस्‍सलोनिकॆयर 2:2

लिकिन नीम अख़दर का मुन्‍द फिलिप्‍पी नगरे नू सस्‍ती सारना पीख़्रना नू हूँ एम्‍है धर्मेस एमा गे एन्ने डिढ चिच्‍चस का ऎम बिगर अटकरका धर्मेसी दौ कत्‍थन तिंकम।

2 तीमोथियुस 1:16

ओनेसिफोरुसी एड़पातर म‍इय्याँ धर्मेसी कोड़हे सोग्‍गे मनन नेक‍अन। एन्‍देरगेका ऎन जेहेल नू रहचकन ख़ने हूँ बिगर इल्चका ती एंगन आस नगदे हॆल बरचस ती ईरयस अरा एंग्‍है जियन बोधा बाचस।

2 तीमोथियुस 2:9

ऎन ई दौ कत्‍था मेन्‍त'अना चड्डे गुड़रका लेक्‍खा जेहेल नू हॆंरना गूटी दुक्‍खे सारदन। लिकिन धर्मेसी कत्‍थन नॆ हूँ हें'आ पोल्‍लोर।

फिलॆमॊन 1:10

मसीस नू एंग्है ख़द्दस ओनॆसिमोस गे ऎन निंग्है गुसन ने'अदन। एन्देरगेका ऎन जेहेल नू हॆंरका बारी आसिन ऎन मसीस नू कड़हाबाचकन ती आस एंग्है ख़द्दस मंजस।

1 यॊहन 3:16

मसीस तंग्है जियन नमा गे चिच्का ती नाम इदन अख़दत का चोन्हा एन्द्रा र'ई। औंगे नाम हूँ नम्है संगे मसी भईर गे नम्है जियन चि'अना र'ई।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।