इफेसुस 6:17 - पुना गच्छरना NT (BSI)

¹⁷ अरा नाड़रना ही पन्ना ही टोपिन अत्तर की नेम्हा बॊलतासी तलवारन धर'आ, एकदा धर्मेसी कत्‍था हवे।

इफेसुस 6:17 ပူးပေါင်းရင်းမြစ်များ

मत्तायोस 4:4

लिकिन येसुस आनाकिर्ताचस, “मला, एन्‍देरगेका नेम्हा पुथी नू लिख्रकी र'ई, ‘आलस ओन्ना-मॊख़ना ती लेका मल उज्‍जोस, लिकीन धर्मेसी बई ती उरखका उर्मी कत्‍था ती उज्‍जदस।’”

मत्तायोस 4:7

येसुस अदिन बाचस, “मला एन्‍देरगेका नेम्हा पुथी नू एन्ने हूँ लिख्रकी र'ई, ‘नीन निंग्‍है धर्मे उर्बासिन अमके बिढ़'आ।’”

इफेसुस 5:26

मसीस इदन कलीसिया गे इदगे नंजस का आस कलीसियन धर्मेसी कत्था ती अरा अम्मु ती नॊड़रकी अदन सुध ननरकी नेम्हा कम'ओस,

1 थेस्‍सलोनिकॆयर 5:8

लिकिन नाम गा उल्‍ला ही मंजकत ती जगचका र'अरकी पत्त'अना अरा चोन्‍हा ही कवच अत्तोत, अरा नाड़रना ही असरा आबोन पन्ना ही टोपी बेसे अत्तोत।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

इब्रानी 6:5

अरा धर्मेसी कत्‍था ही दौ अरा बरना पुना सौंसे ही सवंग आबोन अगमाचकानर,

दहदर मंजका कत्‍था 1:16

अरा आस तंग्है तीना ख़ेक्खा नू सात गोटा बीनको धरचका रहचस। अरा आसी बई ती ओन्टा अखी-पखी धारे तलवार उरखा लगिया। अरा आसी मुंही लोहाड़ी बेड़ा ता बीड़ी लेक्‍खा बिल्‍चा लगिया।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 19:15

अरा आसी बई ती जाती जाती ता आलारिन पिटा गे ओन्टा धारे तलवार उरखा, अरा आस सवंग गने पूरा अदिया गने आरिन राजी ननोस। अरा ओर्तोस अंगुर रासी ही कुंड़ा नू अंगुरन पीख़ना लेक्खा आस उर्मी ती सवंगिय धर्मेसी कोड़हे खींस ही अंगुर रासी ही कुंड़ा नू तंग्है बैरीरिन पीख़ोस।

दहदर मंजका कत्‍था 2:16

औंगे नीन जियन किर्त'आ। मला होले लॆम ऎन निंग्है गुसन बर'ओन, अरा एंग्‍है बई ती उरखना तलवार ती आर ही गने लड़'ओन।