इफेसुस 6:14 - पुना गच्छरना NT (BSI)

¹⁴ औंगे मानी ही कमरपटी ती कड़मन भिड़'आ ती, अरा उजगो ही झिलम आबोन अत्ता ती बड़ियर इज्जका र'आ।

इफेसुस 6:14 ပူးပေါင်းရင်းမြစ်များ

लू‍कस 12:35

निम्‍है कड़मा गुट्ठी भिड़चका अरा बिल्‍ली गुट्ठी लघरते र'अन नेक‍अन।

रोमी 13:12

माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।

2 कोरिन्‍थ 6:7

मानी कत्थन तेंगा कुद्दना नू, धर्मेसी सवंग नू, अरा उजगो ही कमहड़न तीना अरा डेब्‍बा ख़ेक्खा नू धरना नू ऎम एम्है गोवाह आबोन ऎद्ददम।

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

इफेसुस 6:13

औंगे नीम मलदौ उल्ला नू इबड़ा ही बिड़दो नू हुरभेटा नना गे, अरा उर्मिन मुंजा ख़च्‍चना ती बड़ियर इज्‍ज'आ गे धर्मेसी उर्मी कमहड़ आबोन धर'आ।

1 थेस्‍सलोनिकॆयर 5:8

लिकिन नाम गा उल्‍ला ही मंजकत ती जगचका र'अरकी पत्त'अना अरा चोन्‍हा ही कवच अत्तोत, अरा नाड़रना ही असरा आबोन पन्ना ही टोपी बेसे अत्तोत।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

दहदर मंजका कत्‍था 9:17

अरा ऎन देखार नू घोड़ो गुट्ठिन अरा अइय्या अरगुरिन ईरकन। अबड़र ही झिलम गुट्ठी चिच्‍ची ख़ॆंसो रंग लेक्‍खा अरा मोख़ारो गने भेटांगो ऎख़र'आ रंग लेक्‍खा अरा गन्धक ही बाल ऎख़र'आ रंग लेक्‍खा रहचा। अरा अबड़ा घोड़ो ही कुक्‍कु लकड़ा गुट्ठी ही कुक्कु लेक्‍खा रहचा, अरा अबड़ा ही बई गुट्ठी ती चिच्‍ची अरा कुहड़ा अरा गन्धक उरखा लगिया।

दहदर मंजका कत्‍था 9:9

अरा अबड़ा गे पन्ना ही झिलम लेक्खा झिलम रहचा। अरा अबड़ा ही डेना ही ख़रख़ना लड़ाई गे बग्‍गे घोड़ो पुन्दका रन्‍थ गुट्ठी ही जॊर बोंगना ही ख़रख़ना लेक्‍खा रहचा।