इफेसुस 6:13 - पुना गच्छरना NT (BSI)

¹³ औंगे नीम मलदौ उल्ला नू इबड़ा ही बिड़दो नू हुरभेटा नना गे, अरा उर्मिन मुंजा ख़च्‍चना ती बड़ियर इज्‍ज'आ गे धर्मेसी उर्मी कमहड़ आबोन धर'आ।

इफेसुस 6:13 ပူးပေါင်းရင်းမြစ်များ

लू‍कस 21:36

औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्‍दहारे इजना जॊगे मन्‍दर नेक‍अन।”

लू‍कस 8:13

जोक्‍क आलर बिहनी खत्रका पखनोरी ख़ॆख़ेल लेक्‍खा हिकनर। आर कत्‍थन मेन्नर ती रिझ्रनुम इंझ्रनर। लिकिन आर तम्‍है जिया नू गड्डी गूटी कत्‍था मल खुपना चड्डे आर जुक्‍किम उल्‍ला गे कत्‍थन पत्त'अनर अरा सस्ती बर'ई ख़ने अदिन लॆम अम्‍बनर।

रोमी 13:12

माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।

2 कोरिन्‍थ 10:4

एम्है चॆत ही कमहड़ गुट्ठी सौंसार ता आलर बउर'अना कमहड़ गुट्ठी मल्‍ली, लिकिन गढ़ें गुट्ठिन धंस'ऊ धर्मेसी सवंगिय कमहड़ आबोन बउर'अदम।

इफेसुस 5:16

उल्‍ला गुट्ठी डउल मल्का ती उर्मी मोका आबोन दौ नना गे बउर'आ।

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

याकॊब 4:7

औंगे नीम निमन सौंसे जिया ती धर्मेस गे सोंप'आ चि'आ, अरा नाद गने जुझ्र'आ, अरा आद निम्‍है गुसले उरखो बोग्‍गो।

1 पतरस 4:1

औंगे मसीस नम्है पाप गुट्ठी गे तंग्है कया नू दुक्खे चॊदना ती नीम हूँ ई लेक्खम तम्है कया नू दुक्खे चॊद्दर एन्ने ई सोच आबोन कमहड़ लेक्खा अत्तका ती र'आ। एन्देरगेका एकास कया ती दुक्खे सारस आस पाप ही सवंग ती बच्छरका र'अदस।

दहदर मंजका कत्‍था 3:10

खतिर गने सह'आ गे ऎन निंगा गे चिच्का एंग्‍है पॆसकन नीन पॆस्रकय। औंगे ख़ॆख़ेल नू र'ऊ आलारिन बिढ़'आ गे सौंसे ख़ॆख़ेल मइय्याँ बरना र'ई आ सस्ती ही बेड़ा ती ऎन हूँ निंगन बछाब'ओन।

दहदर मंजका कत्‍था 6:17

एन्‍देरगेका आर ही खींस ही कोहाँ उल्‍ला अंड़सकी र'ई, नॆ इजकी र'आ ऊंगी?”