इफेसुस 6:12 - पुना गच्छरना NT (BSI)

¹² एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

इफेसुस 6:12 ပူးပေါင်းရင်းမြစ်များ

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मरकुस 4:19

लिकिन आर उरुब मना गे अरा बग्‍गे खुर्जी ख़क्‍खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्‍थन मॊधर'आ गे ननी। औंगे धर्मेस आरिन एन्‍देर नन्ना र'ई एन्ने बेद्ददस अदिन आर मल नन्नर।

लू‍कस 13:24

“हाँ, औंगे सकुड़ बली ती मेर्ख़ा कोर'आ गे चिहुट नना, ऎन निमन ब'अदन, बग्‍गे आलर गा कोर'आ बेद्दोर, लिकिन कोर'आ पोल्‍लोर।

लू‍कस 22:53

ऎन गा उर्मी उल्‍ला धर्मेसी मन्दिर नू निम्‍है गने रहचकन। आ बारी नीम एंगन मल धरचकर। लिकिन अक्‍कुन गा निमा गे धर्मेस एन्ने नना गे चिच्‍चस, अरा ऊख़ा ही आकुस राजी ननी।”

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 16:11

अरा ई ख़ॆख़ेल ही उर्बस नेंव‍ई मंज ख़च्चिका ती नेंव‍ई ही पत्त नू आस तेंगोस।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 8:38

एन्‍देरगेका ऎन निचट अख़दन का खे'अना मलता उज्‍जना अरा मेर्ख़ा पैकर मलता उर्ब ननू नाद गुट्ठी अरा अक्‍कु ता मलता बरना उल्‍ला ता मन्ना कत्‍था मलता एकअम सवंग,

1 कोरिन्‍थ 15:50

अना भईरो! एंग्‍है ब'अना एन्ने र'ई का, अहड़ा अरा ख़ॆंस मेर्ख़ा राजी काना ही अदियन ख़क्‍खा पुल्‍ली। अरा एकदा नठार'ई आद मल नठारनन ख़क्‍खना ही अदियन ख़क्‍खा पोल्‍लो।

2 कोरिन्‍थ 11:14

लिकिन ईद हैकट मन्ना ही कत्‍था मल्‍ली, एन्‍देरगेका सैतान हूँ गा बिल्‍चिना मेर्ख़ा पैकस लेक्खा भॆंस ननी।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

गलातिया 1:16

अरा आस एग्‍है नू अरा एंग्‍है ती तंग्दासिन दहदर नना गे हुकमारस। एकत्रु ऎन नन-यहूदीर नू तंग्‍दासी दौ कत्‍थन तेंगा कुद्दोन। इदही ख़ॊख़ा ऎन एक‍अम आलर ती सलहा मल्‍ला मंजका।

इफेसुस 1:21

इत्रु ती आस मसीसिन उर्मी राजी ननुर अरा अदिया अरा सवंग अरा उर्बस मन्ना ही मइय्याँ कोहाँ नंजस। अरा ई पूर नू लेका मला अउर बरना पूर नू हूँ नामे ख़क्ख्रका उर्मी नामे ही मइय्याँ आसिन कोहाँ नंजस।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

कोलोस्से 2:15

ई लेक्खम धर्मेस अक्स'ऊ अरा अदिया उइय्यू मलदौ बॊलता गुट्ठी ही सवंगन ओथ्रस चिच्चस। अरा मसीस क्रुस नू केच्चस ती धर्मेस अबड़न जितचस ती अबड़ा सवंग मलका एन्ने ख़ॆख़ेल गे ऎदस।

2 तीमोथियुस 2:5

अन्नेम अखड़ा नू लड़‍'ऊ आलस नॆग ती मल लड़'ओस होले, दौ ख़ंजपा मल ख़क्‍खोस।

इब्रानी 12:1

औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।

इब्रानी 12:4

नीम निम्है पाप ही बिड़दो ही तिहा नू निम्‍है जियन चि'अना गूटी हुरभेटा मल नंजकर।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।