इफेसुस 5:5 - पुना गच्छरना NT (BSI)

⁵ नीम इदिन अख़ना दिम र'ई का पेहरन ही सोतरा नलख ननुस महले एकअम रकम ही सोतरा नलख ननुस महले मूर्तिन ऒड़ लग्गुसी जोक्खा लोभिया मसीसी अरा धर्मेसी राजी नू काना ही आसीस आबोन मल ख़क्खोस।

इफेसुस 5:5 ပူးပေါင်းရင်းမြစ်များ

त‍इरकर 20:32

अक्‍कु ऎन निमन धर्मेस गे अरा आसी मया ही कत्‍था नू अम्‍बदन, आद निमन परद'आ उंगी, अरा धर्मेस नेम्‍हा मंजका उर्मी आलर नू मेस्र'अरकी आसीस चि'आ उंगी।

त‍इरकर 8:21

ई पत्त नू निंगा एन्‍द्रा हूँ हिसा महले बटा मलकी, एन्‍देरगेका निंग्‍है जिया धर्मेसी मुन्‍दहारे उजगो मलकी।

गलातिया 5:19

कया ही नलख गुट्ठी गा दहदर र'ई, पेहरन ही सोतरा नलख, सोतबोड़'आ, पेहरन ही मलदौ ख़न्न,

गलातिया 5:21

डाहना, उंखना, धधारना इबड़ा ही अउर हूँ नलख र'ई। इबड़ा ही पत्त नू ऎन निमन तिगा ब'अदन, एकासे ऎन मुन्‍द तिंका चिच्‍चकादन का इबड़ा नलख ननुर धर्मेसी राजी ही आसीस आबोन मल ख़क्‍खोर।

इफेसुस 5:3

अरा निम्‍है मझी नू पेहरन ही सोतरा नलख अरा एकअम रकम ही सोतरा नलख महले लोभिया मल र'अना र'ई। धर्मेसी नेम्हा आलर गे इबड़ा जॊगे मल र'अना ती इबड़ा ही पत्त नू कछनख्रना हूँ मल मन्ना र'ई।

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

1 तीमोथियुस 6:10

एन्‍देरगेका ढिबा ही चिबाख़ारना तिम उर्मी मदहे ही मलदौ गुट्ठी उरखी। जोक्‍क आलर बग्‍गे ढिबा ख़क्‍खना ही तिहा-तोरा नन्नुम आर पत्त'अना डहरे ती एबस्रनर ती कैनो मदहे ही दुक्‍खे गुट्ठी ती ताम तमानिम दुक्‍खे सारत'अनर।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।