इफेसुस 5:32 - पुना गच्छरना NT (BSI)

³² ईद ओन्टा कोहाँ गम हवे। लिकिन ऎन गा मसीस अरा कलीसिया ही पत्त नू ब'आलदन।

इफेसुस 5:32 ပူးပေါင်းရင်းမြစ်များ

यॊहनस 3:29

बेंजा पेल्‍लो बेंजा जॊंख़सी दिम हवे। लिकिन बेंजा जॊंख़ासी संगेस गा आसी हेद्दे इज्‍जदस ती आसी कत्‍थन मेन्‍दस। आस बेंजा जॊंख़ासी कत्‍थन मेन्‍दस ती नगदे रिझ्रदस। एंग्‍है रिझ एन्ने दिम हवे। आद अक्‍कु पुरचा।

2 कोरिन्‍थ 11:2

ऎन निमन ओर्त लेका मॆतस मसीस गे गच्छरकन का ऎन निमन नेम्‍हा डिंडा पेल्‍लो लेक्‍खा मसीस गे सोंप'ओन। इदिन ती दिम धर्मेस गे तंग्है आलर मइय्याँ र'अना क्याल एंगा गे हूँ निम्है मइय्याँ र'ई।

इफेसुस 5:31

नेम्हा पुथी ब'अना लेक्खा, “ई चड्डे आलस तंग्‍है अयंग बंगन अम्‍बदस ती तंग आली गने मेस्र'ओस ती र'ओस अरा आर इरबारिम ओन्टे मॆद मनोर।”

इफेसुस 5:33

अन्नु हूँ नीम ओर्त ओर्त तंग्है तंग्है नू चोन्हा नन्ना बेसे तंग्है तंग्है मुक्कन चोन्हा नन्ना र'ई। अरा मुक्का तंग्है मॆतासिन मईन नन्ना र'ई।

इफेसुस 6:19

अरा एंगा गे हूँ गोहरार'आ का ऎन एका एका बारी धर्मेसी कत्थन तेंगोन, आ बारी डिढ ती दौ कत्‍था ही गम आबोन तेंगा गे धर्मेस कत्था गुट्ठिन चि'अदस नेकअन।

कोलोस्से 2:2

नीम हूँ अरा आर हूँ रिझ्रारकी चोन्‍हा ती मेस्रका र'अना र'ई, ईद दिम एंग्है मने हवे। होले नीम उर्मी बुझुरना गने अजगुत आसीसन ख़क्‍खोर ती धर्मेसी गम आबोन अख़'ओर चि'ओर। आ गम मसीस दिम हवे।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

1 तीमोथियुस 3:8

एन्नेम कलीसिया ही ईरू-ख़ूजुर हूँ म‍ईन ही जॊगे र'अना र'ई। अरा आर उंखुर अरा आलारिन ठगना ती अर्ज‍'उर अम्‍बोर र'आ।

दहदर मंजका कत्‍था 21:2

फेन ऎन नेम्‍हा नगरे पुना येरुसलॆमन धर्मेस तरती मेर्ख़ा ती एत्तना ईरकन। आद तंग्है मॆतस गे सिंगरारकी झबरारकी र'अना ओन्टा बेंजा पेल्‍लो बेसे सपड़ारकी रहचा।