इफेसुस 5:29 - पुना गच्छरना NT (BSI)

²⁹ एन्‍देरगेका नॆ हूँ तंग्है मॆदन मल हींड़दस, लिकिन अदिन पलदस पॊसदस एकासे मसीस कलीसियन ख़ापदस,

इफेसुस 5:29 ပူးပေါင်းရင်းမြစ်များ

मत्तायोस 23:37

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन निम्है गुसन ऎन त‍इरकन आरिन पखना ल'अदर ती पिटदर। ढ़ॆर हॆल धर्मेस बिद्दयस का ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ निम्है ख़द्दारिन ख़ेवड़'ओस, लिकिन नीम एन्ने नना मल चिच्‍चकर।

मत्तायोस 6:26

ऒड़ा गुट्ठिन ऎरा, अबडा चाँख़'ई मला, ख़ु'ई मला, अरा कुट्ठी नू बीन्द'ई मला, अन्नु हूँ निम्‍है मेर्ख़ा बंगस अबड़न पॊसदस। नीम गा अबड़ा ती कोड़हे मूल्‍ली ही र'अदर।

रोमी 1:31

अरा आर लखना मलका दरा गच्‍छरका मल उइय्युर र'अनर। अरा आर चोन्‍हा दरा सोग्‍गे ननू मलनर।

इफेसुस 5:28

ई लेक्खम मॆतर हूँ तम्है तम्है मुक्‍कन तम्है मॆद लेक्‍खा चोन्‍हा नन्ना र'ई। नॆ तंग्‍है मुक्‍कन चोन्‍हा नन्दस आस तंगानिम चोन्‍हा नन्दस।

इफेसुस 5:30

इदगेका नाम आसी मॆद ही अंग गुट्ठी हिकदत।

इफेसुस 5:31

नेम्हा पुथी ब'अना लेक्खा, “ई चड्डे आलस तंग्‍है अयंग बंगन अम्‍बदस ती तंग आली गने मेस्र'ओस ती र'ओस अरा आर इरबारिम ओन्टे मॆद मनोर।”