इफेसुस 5:23 - पुना गच्छरना NT (BSI)

²³ एन्‍देरगरका एकासे मसीस तंग्है मॆद कलीसिया ही कुक्‍कु हिकदस, अन्नेम मॆतस तंग्है मुक्‍का ही कुक्‍कु हिकदस। अरा मसीस तानिम तंग्है मॆद कलीसिया ही नाड़ुस हिकदस।

इफेसुस 5:23 ပူးပေါင်းရင်းမြစ်များ

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

1 कोरिन्‍थ 6:13

“ओन्ना-मॊख़ना कूल गे, अरा कूल ओन्ना-मॊख़ना गे हवे” एन्ने हूँ नीम ब'आ ओंग्दर। लिकिन धर्मेस एंड़ानिम उन्‍दुल नाठाब'ओस। लिकिन मॆद गा पेहरन ही सोतरा नलख गे मला, आद उर्बस गे दिम हवे। अरा उर्बस हूँ नम्‍है मॆद म‍इय्याँ तिहा ननू र'अदस।

इफेसुस 4:15

ऊजी नू चोन्‍हा गने मानी ब'अना ती उर्मी कत्था गुट्ठी नू आसी मॆद कलीसिया ही कुक्कु मसीस नू पर्दनुम क'ओम।

इफेसुस 5:24

अरा कलीसिया एकासे तंगन मसीसी तबे नू चिच्की र'ई, अन्नेम मुक्‍कर हूँ उर्मी कत्‍था नू तमन तम्है तम्है मॆतासी तबे नू चि'अना र'ई।

कोलोस्से 1:18

अरा आसिम तंग्है मॆद कलीसिया ही कुक्‍कु अरा अदही ऒर हिकदस। अरा आसिम केचका मधेर ती उज्‍जा चो'उर नू मुन्दतस हिकदस। औंगे आसिम उर्मी नू मुन्द मनोस।

1 थेस्‍सलोनिकॆयर 1:10

अरा नीम आसी तंग्‍दासी मेर्ख़ा ती बरना ही पाब ऎरालदर, नॆकन धर्मेस केचका ती उज्‍जताचस। आसिम येसुस हिकदस नॆ नमन बरना नेंवई ही खींस ती बछाब'अदस।

दहदर मंजका कत्‍था 19:7

बरा, नाम रिझ्र'ओत अरा रिरयार'ओत, अरा आसी महबा ननोत नेकअन, एन्‍देरगेका भेंडो ख़द्दासी बेंजा अंड़सा ख़च्चकी र'ई, अरा आसी बेंजा पेल्लो तंगन सपड़ाचकी र'ई।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।