19 नीम ख़ॊंड़रना बारी अस्सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा। अरा नीम तम्है तम्है जिया नू उर्बासिन डंडी पाड़रकी ओहमा नना।
‘इबड़ा आलर तम्है कत्था ती गा एंग्है मईन नन्नर, लिकिन ईर मानिम नू एंगन मल पॆस्रनर।
फिन आर ओन्टा ओहमा डंडी पाड़ियर अरा उरखर ती जैतून परता तरा केरर।
अधरात माख़ा नू पौलुस दरा सीलास गोहरारनुम धर्मेसिन भजन नना लगियर। अरा गुड़रकर आर ही भजनन मेना लगियर।
औंगे ऎन एन्देर नन्ना चाड़ र'ई? ऎन बॊलता ती गोहरार'ओन, अरा मन ती हूँ गोहरार'ओन। ऎन बॊलता ती पाड़ोन, अरा मन ती हूँ पाड़ोन।
तहाँ अना भईरो, नीम एन्देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्है नू दहदर मंजका कत्थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्त'आ गे नन्ना र'ई।
मसीसी कत्था निम्है नू सोच नलख उर्मी नू बग्गे ती बग्गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।
निम्है नू एकअम ओर्तस सस्ती सारदस होले, आस गोहरारदस नेकअन। अरा निम्है नू एकअम ओर्तस रिझ्रदस होले, आस ओहमा पाड़दस नेकअन।
अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्चा गे जॊगे र'अदय। अरा नीन पिटतारकय ती निंग्है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।