इफेसुस 5:18 - पुना गच्छरना NT (BSI)

¹⁸ अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।

इफेसुस 5:18 ပူးပေါင်းရင်းမြစ်များ

मत्तायोस 23:25

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम मौनी दरा छिपन बहरी बहरी मंजदर, लिकिन निम्‍है भितरी चिबाख़ारना अरा लोभ निंदकी र'ई।

मत्तायोस 24:49

ती तंग्‍है संगे जॊंख़ारिन लौ'आ हेलरस ती उंखुर गने उन्नुम मॊख़नुन र'अदस होले,

लू‍कस 1:15

आस उर्बासी ऎरना नू कोहाँ आल मनोस। आस अंगुर रासी महले अउर नन्ना निसा मलम ओनोस। आस तंग्‍है अयंग ही ओदर तिम नेम्‍हा बॊलतस ती निन्‍द्रका र'ओस।

लू‍कस 11:13

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे नेम्‍हा बॊलतन चि'ओस दिम।”

लू‍कस 12:45

लिकिन आ जॊंख़स तंग्‍है उर्बस दीरी ती बर'ओस ब'अरकी तंग्‍है जिया नू ब'ओस ती जॊंख़ारिन दरा जॊंख़-पोल्‍लोरिन लौना अरा ओना मॊख़ा दरा ऊंखनुम र'ओस होले,

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

यॊहनस 2:10

अरा आसिन बाचस, “ओर्मर मुन्‍द बने अंगुर रासिन चि'अनर, अरा ओंडका ती उड़चका ख़ॊख़ा सिठारका अंगुर रासिन चि'अनर। लिकिन नीन अक्‍कुन गूटी बने अंगुर रासिन उइय्कादय।”

त‍इरकर 11:24

आस गा दौ आलस रहचस अरा नेम्‍हा बॊलतस अरा पत्त'अना ती निन्‍द्रका आलस रहचस। ईसी चड्डे नगदे आलर उर्बासिन पत्त'ऊ आलर मंजर केरर।

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

1 कोरिन्‍थ 11:21

एन्‍देरगेका ओनो बारी ओर्त ओर्तस तंग्‍है खुड़तिन नन्‍नारिन बिगर ख़ोख'अम ओन्‍दस। औंगे ओर्तस कीड़म र'अदस, अरा नन्नस उंखदस कादस।

1 कोरिन्‍थ 5:11

लिकिन अक्‍कुन ऎन निमा गे लिखदन का नीकईम तंगन पत्त'ऊ ब'अरकी आस पेहरन ही सोतरा नलख ननू महले लोभिया महले मूर्तिन ऒड़ लग्‍गू महले केबर'ऊ महले उंखू महले ठक'ऊ र'अदस होले, आस गने अमके मेस्र'आ, अरा एन्ने बेसे आलर गने ओन्‍ना मॊख़ना नू हूँ अमके मना।

1 कोरिन्‍थ 6:10

महले ख़लबर महले लोभिया महले उंखुर महले केबर'उर महले ठक'उर धर्मेसी राजी नू हिसा मल मनोर।

1 थेस्‍सलोनिकॆयर 5:7

एन्‍देरगेका निन्‍द्रहर माख़म ख़न्‍द्रनर, अरा उंखू आलर माख़म उंखनर।

तीतुस 1:6

सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।