इफेसुस 5:10 - पुना गच्छरना NT (BSI)

¹⁰ औंगे उर्बासिन एन्देर रिझ्रत'ई अदिन नीम अख़'आ हो'आ।

इफेसुस 5:10 ပူးပေါင်းရင်းမြစ်များ

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

फिलिप्‍पी 1:10

होले कोड़हे बॆस एन्देर एन्ने नीम अख़'आ ओंगोर। अरा मसीसी अउरिम बरना उल्ला गूटी नेम्‍हा अरा बिगर बदी ती उज्जा ओंगोर।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

1 थेस्‍सलोनिकॆयर 5:21

लिकिन उर्मी कत्‍था गुट्ठिन अरा नलखन बिढ़'आ ती ऎरा। एकदा बॆस लग्‍गो अदिन इंझ्र'आ अरा धर'आ।

1 तीमोथियुस 2:3

ईद दौ लग्‍गी अरा नम्‍है बछाब‍'ऊ धर्मेसी मने हूँ र'ई।

1 तीमोथियुस 5:4

लिकिन एका रड़ियाही ही ख़द्द-ख़र्रा महले नती नतकुर र'अनर होले, आर मुन्‍द तम्‍है ख़ोतन ख़ापोर ती महबा नना गे सिख्रनर नेक‍अन। एन्ने आर तम्‍है अयंग बंगर अरा अज्‍जी अज्‍जोर गे एन्देर नन्ना र'ई अदन नन्नर नेक‍अन। एन्‍देरगेका ईदिम धर्मेस गे दौ लग्‍गी।

इब्रानी 12:28

औंगे नाम गा नुकतार'आ पोलना राजिन दिम ख़क्‍खालदत। ई चड्डे नाम धन्‍यवाद ननरकी म‍ईन अरा इल्चका गने महबा ननरकी धर्मेसिन रिझ्रत'अदत नेक‍अन।

1 पतरस 2:20

नीम इन्द्रिइम गलती नन्दर ती अदगे ख़क्खना दंडेन सहदर होले, आद ती निमा एन्देर हूँ नफा मल मनो। लिकिन नीम दौ नलख नंजका ही चड्डे सस्ती सारदर, अरा अदिन नीम कयास ती सहदर होले, आद धर्मेसिन खुसमारत'ई।

1 पतरस 2:5

नीम हूँ उज्‍जना पखना गुट्ठी लेक्‍खा र'अदर का धर्मेसी बॊलता कमना धर्मेसी एड़पा कम्रनुम कादर। अरा नीम आसी नेम्‍हा नैग खोंड़हा हूँ हिकदर। अरा येसु मसीस एन्देर नंजकादस अदही चड्डे नीम बॊलता दाँड़े गुट्ठिन अरगदर, एकदा धर्मेसिन पत्तार'ई।