इफेसुस 4:7 - पुना गच्छरना NT (BSI)

⁷ लिकिन मसीस एका बग्गे मया चि'आ बिद्दियस आ बग्‍गेम नाम ओर्त ओर्त गे बॊलता ही इनाम आबोन ख़क्‍खका र'अदत।

इफेसुस 4:7 ပူးပေါင်းရင်းမြစ်များ

मत्तायोस 25:15

आस ओर्मर गे तम्‍है सवंग ही लेक्‍खा चिच्‍चस, ओर्तोस गे पाँच थइला सोना ढिबा चिच्‍चस, नन्‍नस गे ऎंड़ थइला सोना ढिबा, अरा तिसरस गे ओन थइला सोना ढिबा चिच्‍चस ती आस नन्‍ना राजी किर्रिम बिच्चियस।

यॊहनस 3:34

नॆकन धर्मेस तइय्कादस, आस धर्मेसी कत्‍था गुट्ठिन ब'अदस, एन्‍देरगेका धर्मेस आस गे नेम्‍हा बॊलतासिन बिगर नपदस जोक्‍खदस ती चि'अदस।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

इफेसुस 3:2

मानिम नू नीम मेंजका र'अदर का धर्मेस तंग्है मया ती ई नलखन निमा गे संगरा नना गे एमा चिच्का र'अदस।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।