इफेसुस 4:5 - पुना गच्छरना NT (BSI)

⁵ अरा ओन्टे गुना उर्बस र'अस। अरा ओन्टे गुना पत्त'अना, अरा ओन्टे गुना नॊड़्रना र'ई।

इफेसुस 4:5 ပူးပေါင်းရင်းမြစ်များ

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

त‍इरकर 2:36

औंगे इस्राऎल ही ओर्मा आलर इदन मानिम गने अख़'आ हो'आ का नीम क्रुस नू ठोकचका ई येसुसिन धर्मेस उर्बस हूँ अरा मसीस हूँ कमचस।”

रोमी 3:30

एन्‍देरगेका ओर्त लेका धर्मेस र'अदस। आसिन इंझ्रना ही ओन्‍टे लेका डहरे र'ई। आस खतना नंजका आलारिन पत्त'अना ती आरिन उजगो मन्‍दस। अरा बिगर खतना नंजका आलारिन हूँ पत्त'अना ती लेका उजगो मन्‍दस।

1 कोरिन्‍थ 1:13

एन्‍देर मसीस भगीयरका केरका र'अदस का? एन्‍देर ऎन पौलुस निमा गे क्रुस नू पिटतारका रहचकन का? एन्‍देर नीम पौलुसी नामे नू नॊड़रका रहचकर का? अन्ने मल्‍ला।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

1 कोरिन्‍थ 12:5

अरा सुसर'अना गुट्ठी गा कैनो मदहे र'ई, लिकिन उर्बस ओन्‍टा दिम र'अस।

1 कोरिन्‍थ 8:6

अन्नु हूँ नमा गे ओन्‍टे लेका धर्मे बंगस र'अस, आस तिम उर्मी गढ़रा, अरा आस गेम नाम उज्‍जा लगदत। अरा नमा गे ओन्‍टे लेका उर्बस र'अस, आस दिम येसु मसीस, आस तरतिम उर्मी गढ़रा, अरा आस तरतिम नाम उज्‍जा लगदत।

2 कोरिन्‍थ 11:4

एन्देरगेका नीकईम निम्है गुसन बर'अरकी ऎम मल्‍ला तिंका एकअम नन्ना येसुसी पत्त नू तेंगदस, मलता नीम ख़क्ख्रका नेम्हा बॊलतासिन अम्बरकी एकअम नन्ना बॊलता ही पत्त नू ब'अदस, मलता नीम इंझ्रका दौ कत्था ती एकअम नन्ना दौ कत्‍थन ओन्द्रदस होले, नीम सेब्‍बा तिम अबड़न इंझ्रदर।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

इफेसुस 4:13

एका गूटी नाम पत्त'अना नू अरा धर्मेसी ख़द्दासी लूर नू ओन्टे मंज ख़च्‍चोत आ गूटी ईद मन्तेम र'ओ का, नाम मसीस नू पखड़ आल मनोत, अरा उर्मी रकम नू मसीस लेक्खा मनोत क'ओत।

फिलिप्‍पी 2:11

अरा धर्मे बंगसी महबा गे उर्मी ततख़ा तेंग्र'ओ का येसु मसीस दिम उर्बस।

फिलिप्‍पी 3:8

ईद लेका मला, ऎन एंग्‍है उर्बस मसी येसुसिन अख़ना लूर ही कोड़हे बॆस गने अबड़न जोक्ख'ओन ख़ने, उर्मी कत्‍था गुट्ठिन अनभनियाँ अक्‍कन। अरा आसी चड्डे अबड़ा उर्मी आलॊ गुट्ठिन फोकोरकन, अरा ऎन मसीसी मना गे अबड़न खतू सोचदन।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

इब्रानी 13:7

निमन धर्मेसी कत्‍था सिखाबाचका निम्‍है कड़हाब'उरिन सुरता नना। अरा आर तम्‍है उज्‍जना नू एकासे उज्‍जालियर अदन सुरता नना। अरा आर एकासे पत्ताचर ‍अन्ने नीम हूँ पत्त'आ।

इब्रानी 6:6

आर बेहड़ार'ओर क'ओर होले, आरिन अउरिम जिया किर्त'अना नू ओन्‍द्र'आ पोल्‍लो दिम हिके। एन्‍देरगेका आर धर्मेसी ख़द्दासिन तमा गे अउरिम क्रुस नू अरग'अनर अरा आलर ही मुन्‍दहारे आसिन लज्‍जे मॊख़त'अनर।

याकॊब 2:18

लिकिन ओर्तस ब'आ ओंग्दस, “निम्है गुसन पत्त'अना र'ई, एंग्है गुसन नलख गुट्ठी र'ई।” लिकिन ऎन ब'अदन, “निंग्‍है पत्त'अनन बिगर दौ नलख गुट्ठी नन्ना ती ऎद'आ, लिकिन ऎन एंग्‍है पत्त'अनन एंग्है नलख गुट्ठी ती ऎद'ओन।”

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

यहूदा 1:20

लिकिन अना दुलारो, नीम गा निम्है कोड़हे नेम्हा पत्त'अना नू निम्है उज्जनन परद'आ, अरा नेम्हा बॊलतस नू गोहरारते र'आ।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।