इफेसुस 4:31 - पुना गच्छरना NT (BSI)

³¹ निम उर्मी रकम ही करतअंग, अरा खींसारना, अरा कैरारना, अरा नग्गानख्रना, अरा हींड़ना अरा उर्मी रकम ही मलदौ ननू सोच गुट्ठिन अम्बा चि'आ।

इफेसुस 4:31 ပူးပေါင်းရင်းမြစ်များ

त‍इरकर 21:30

तहाँ गोट्टा नगरे नू चॊच-उक्‍कना मंजा केरा, अरा आलर बोंग जुमरर अरा पौलुसिन धरचर ती धर्मेसी मन्दिर ही बहरी घिडराचर ओन्‍द्रर‍। अरा लॆम मन्‍दिर ही बली मुच्‍चतारा।

रोमी 3:14

“आर ही ब‍ईय्यद सर्प'अना दरा ख़ड़ख़ा ती निन्‍दकी र'ई।”

1 कोरिन्‍थ 14:20

अना भईरो! नीम बुझुरना नू ख़द्दर लेक्‍खा अमा मना, मलदौ ही पत्त नू बॊलॊ ख़द्दर बेसेम र'आ, लिकिन बुझुरना नू पखड़ मन्‍नुम कला।

1 कोरिन्‍थ 5:8

औंगे बरा नाम पच्चा तिस्‍सा ती मला अरा मलदौ नलख अरा कुचुरहा ही तिस्‍सा ती मला, लिकिन उजगो अरा मानी ही बिगर तिस्‍सा असमा ती परब मनोत।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

गलातिया 5:20

मूर्तिन ओहमा नन्‍ना, नस'ऊ, कसरहा, नग्‍गानख्रना, इस्‍गहा, कैर, लोभिया, छिंडना, धरम नू छिंडना,

इफेसुस 4:22

औंगे नीम निम्है पच्चा उज्‍जना ओक्‍कनन अरा पच्चा आल सुबहन एकदा घुरिय'अना सुख-सौंरत चड्डे बगड़ारनुम काला लगी, अदन अम्बा चि'आ।

इफेसुस 4:25

ई चड्डे नीम ठकनन अम्‍बा चि'आ, अरा तंग्‍है तंग्‍है अरबर-परबर गने मानी कत्‍थन कछनख्र'आ, एन्‍देरगेका नाम ओर्मत ओन्टे मॆद ही अंग गुट्ठी हिकदत।

इफेसुस 4:26

अरा नीम निम्है कैरारना नू पाप अमा नना। बीड़ी पुत्तना ही मुन्द निम्है कैरन एत्त'आ चि'आ।

कोलोस्से 3:19

अना मॆतारो, नीम तम्है तम्है मुक्‍कन चोन्‍हा नना, अरा आर नू करतअंग अमा नना।

कोलोस्से 3:8

लिकिन अक्कु गा नीम खींस, अरा कयरारनन, अरा कुचुरहन, अरा हींड़नन, अरा निम्है बई ती बरना मलदौ कछनख्रना इबड़ा उर्मिन अम्‍बा चि'आ।

1 तीमोथियुस 3:11

एन्नेम आर ही मुक्‍कर हूँ म‍ईन ही जॊगे र'अना र'ई। अरा आर दुस‍'ऊ अम्‍बोर र'आ। अरा आर चिहुंक अरा उर्मी कत्‍था नू पत्त‍'ऊ मन्नर नेक‍अन।

1 तीमोथियुस 3:3

आस उंखुस अरा पस'ऊ कूड़ू अम्‍बोस र'आ। लिकिन आस लुद‍ऊ र'अना र'ई। आस नग्‍गानख्र‍'ऊ अरा ढिबा ही चिबाख़ार‍'ऊ अम्‍बोस र'आ।

1 तीमोथियुस 5:13

इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।

2 तीमोथियुस 2:23

अरा मोठ‍ई अरा अनभनियाँ आनानखरना गुट्ठी ती तरकूटी र'आ। एन्‍देरगेका नीन अख़दय का अत्रु अरबानखरना गुट्ठी मनी।

2 तीमोथियुस 3:3

अरा आर चोन्‍हा मल ननू, छमा मल ननू, दुस'ऊ, चिहुंक मल ननू, कुइं'ऊ, दौ मल बिद्दू मनोर।

तीतुस 1:7

कलीसिया ही ईरु-ख़ूजू मुद्धस गा ओक्‍कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस‍'ऊ कूड़ू मला अरा मलदौ ती अर्ज‍'ऊ मल र'अना र'ई।

तीतुस 2:3

ई बेसेम पच्‍चो मुक्‍कारिन सिखाब'आ का आर ही ओक्‍कना-इजना नेम्‍हा मन्‍ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।

याकॊब 1:19

अना एंग्‍है चोन्हा भईरो, ई कत्‍थन नीम अख़'आ हो'आ का, अक्कु नीम ओर्मर मेन्ना नू लॆम मिनुर मना। अरा ब'अना नू अरा कैर मन्ना नू दीरी नना।

याकॊब 3:14

लिकिन नीम निम्‍है जिया नू करतअंग इस्‍गहा, अरा लोभिया उइय्दर होले, नीम अदही पत्त नू फुलई अमा मना, अरा मानिम ही बिड़दो नू अमके ठक'आ।

याकॊब 4:11

अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।

1 पतरस 2:1

औंगे नीम उर्मी रकम ही मलदौ अरा उर्मी ठकना अरा उतुरमाड़ना गुट्ठी अरा इस्‍गहा गुट्ठी अरा उर्मी मलदौ कछनख्रना गुट्ठी ती निमन तरकूटी उइय्या।

1 यॊहन 3:12

कैनस लेक्खा नाम अम्बोत मना। आस मलदौ आबोन नन्त'उस सैतान ही रहचस, अरा तंग्ड़िस हाबेलसिन पिटियस। अरा आस आसिन एन्देर चड्डे पिटियस? एन्देरगेका आसी नलख गुट्ठी मलदौ रहचा अरा तंग्ड़िसी नलख गुट्ठी गा धर्मेसी ऎरना नू उजगो रहचा।

1 यॊहन 3:15

एका ओर्तस तंग्है संगे मसी भईसिन ख़ाँड़दस, आस आल पिटुस हिकदस। अरा नीम अख़दर का आल पिटुर नू जनमजुग उज्जना मल र'ई।

दहदर मंजका कत्‍था 12:10

इदही ख़ॊख़ा ऎन मेर्ख़ा नू ओन्टा जॊरसरिया सड़ा एन्ने ब'अना मेंजकन, “अक्‍कु नाड़ना अरा सवंग अरा नम्‍है धर्मेसी राजी अरा आसी मसीसी राजी नन्ना ही अदिया बरचकी र'ई, एन्‍देरगेका नम्‍है भई बहिनर मइय्याँ बदी ननुस नॆ उल्‍ला माख़ा नम्है धर्मेसी मुन्दहारे आर ही मइय्याँ बदी नना लगियस, आस किइय्या हेबड़तारस केरस।