इफेसुस 4:30 - पुना गच्छरना NT (BSI)

³⁰ अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

इफेसुस 4:30 ပူးပေါင်းရင်းမြစ်များ

मरकुस 3:5

आस आरिन कैर ती ईरियस। आर ही जिया ही बेड़हा चड्डे आसी जिया उल्‍लिया। ख़ने आस आ आलासिन बाचस, “निंग्‍है ख़ेक्खन लमाब'आ।” आस तंग्‍है ख़ेक्खन लमाबाचस, अरा आसी ख़ेक्खा कोड़े मंज ख़च्चिया।

लू‍कस 21:28

अरा इकला इबड़ा कत्‍था ही ऒड़ मनो नीम मॆन ऎररकी इज्जका र'अके। एन्‍देरगेका निम्‍है नाड़रना लॆम बर'ऊ र'ई।”

यॊहनस 3:33

नॆ आसी गोवाह आबोन पत्त'अदस, आस धर्मेस मानिम जॊगे र'अदस एन्ने ऎदस।

त‍इरकर 7:51

अना ऒड़ मल लग्‍गू आलारो! नीम निम्‍है जियन धर्मेस गे मल चिचकर महले आसिन मल मेनदर, अरा सगरो नेम्‍हा बॊलतासी बिड़दो नन्दर, एकासे निम्‍है पूरखर नंजर अन्नेम नीम हूँ नन्‍दर।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

रोमी 8:23

ई ख़ॆख़ेल लेका मला, लिकिन नाम हूँ पाब ऎरना ती भितरी भितरी रेक'आ लगदत। नाम गा नेम्‍हा बॊलतासिन ख़क्‍खकादत एकदा धर्मेसी गच्छरका ही पहिल ख़ंजपा हिके। औंगे नाम धर्मेसी गोद होच्चका ख़द्द मंज ख़च्‍चना ही पाब ऎरा लगदत। इदही माने का नम्‍है कया पाप अरा खिलपत ती नाड़रना।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 15:54

औंगे एकाबारी ई नठारना मॆद मल नठारनन अत्तो अरा ई खे'अना मॆद मल खे'अनन अत्तो ख़ने, नेम्‍हा पुथी ही ई कत्‍था मनो का “जीत आबो खे'अनन नुलख़िया चिच्‍चा।”

1 थेस्‍सलोनिकॆयर 5:19

नेम्‍हा बॊलतासी नलखन अमके छेंका मना।

इब्रानी 10:29

अन्ने होले सोच'आ का, एकास धर्मेसी ख़द्दासिन म‍ईन मल नंजस, अरा तंगन नेम्‍हा नन्‍ताचका पुना गच्‍छरना ही ख़ॆंसन नेम्‍हा मल मन्‍चस, अरा मया चि'ऊ नेम्‍हा बॊलतन लज्‍जे मॊख़ताचस, आस एका कोड़हे दंडे ही जॊगे मनोस दने।

इब्रानी 3:10

औंगे आस आर ही म‍इय्याँ गोसा मंजस ती बाचस, ‘आर ही मने उर्मी बेड़ा एंग्‍है ती गेच्‍छा र'ई। अरा आर एन्‍देर नना गे ऎन बेद्ददन अदिन मल नन्नर।’

इब्रानी 3:17

अरा आस चालीस बछर गूटी नॆख‍अय म‍इय्याँ खिंसारका रहचस? नॆ पाप नंजकाचर आर ही म‍इय्याँ आस खिंसारका रहचस, अरा आर टुंगरी नू केच्‍चर केरर।