27 अरा इत्रु ती नाद गे ठग'आ गे मोका अमा चि'आ।
तहाँ पतरस बाचस, “हनानिया, सैतान एन्देरगे निंग्है जिया नू नेम्हा बॊलतासिन ठक'आ गे अरा ख़ल्ल ही दाम ही ओन हींसन निंगा गे उइय्या गे आकुस नंजा?
दुलारो! अमके किर्त'अर बिड़द'आ, लिकिन धर्मेस तंग्है ख़ीस ती दंडे चि'आ गे आसी ख़ेक्खा नू अम्बा चि'आ, एन्देरगेका नेम्हा पुथी नू लिख्रकी र'ई, “उर्बस ब'अदस, ‘किर्त'अर बिड़द'अना एंग्है नलख हवे, ऎनिम किर्त'अर बिड़द'ओन।’”
नीम नाद ही फंदा गुट्ठी ही हुरभेटा नना गे धर्मेसी उर्मी कमहड़ आबोन अत्ता।
अरा अबड़ा गने पत्त'अना ही ढाल आबोन धर'आ, एकत्रु नीम नाद ही उर्मी लघरना चार गुट्ठिन तेभ'आ ओंगोर।
औंगे नीम निमन सौंसे जिया ती धर्मेस गे सोंप'आ चि'आ, अरा नाद गने जुझ्र'आ, अरा आद निम्है गुसले उरखो बोग्गो।
चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।