इफेसुस 4:23 - पुना गच्छरना NT (BSI)

²³ अरा निम्‍है जिया अरा बॊलता नू पुना मन्नुम कला।

इफेसुस 4:23 ပူးပေါင်းရင်းမြစ်များ

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

रोमी 6:4

इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

रोमी 8:6

आलर ही मने पाप सुबहा ही तबे नू र'ई होले आर खे'अना तरा कानर। आलर ही मने बॊलतस ही तबे नू र'ई होले आर उज्‍जना अरा कोड़े तरा कानर।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

तीतुस 3:5

ख़ने आस नमन नाड़ियस। ईद नम्‍है नंजका बॆस नलख चड्डे मल्‍ली, लिकिन आसी सोग्‍गे चड्डे मंजा। अरा आस नम्‍है पाप गुट्ठिन नूड़ियस ती ओथ्रस चिच्‍चस। अरा नमन नेम्‍हा बॊलतस ती दौ उज्‍जा गे पुना कमचस।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।