इफेसुस 4:2 - पुना गच्छरना NT (BSI)

² नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

इफेसुस 4:2 ပူးပေါင်းရင်းမြစ်များ

मत्तायोस 11:29

एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर।

मरकुस 9:19

ख़ने येसुस अबड़ा आलारिन आनाकिर्त'अर आनियस, “अना मल पत्त'ऊ आलारो, ऎन इकला गूटी निम्‍है गने र'ओन?, ऎन ऎ उल्‍ला गूटी निम्‍है गने सह'ओन? आ कुक्‍कोसिन एंग्‍है गुसन ओन्‍द्र'आ।”

त‍इरकर 20:19

नगदे लुद‍ऊ अरा ख़ंजलख़ो चूरख़कन ती अरा यहूदी आलर ही मलदौ घतना ही चड्डे एंग्‍है म‍इय्याँ मंजका बिढ़्रना गुट्ठी ती ऎन उर्बासिन सुसर नन्नुम बारी रहचकन।

रोमी 15:1

औंगे पत्त'अना नू बड़ियर र'अदत नाम नम्‍है नू लेका रिझ्ररना मलकी। लिकिन एका ओर्तर ई लेक्‍खा पयहा र'अनर आर ही पयहा नू नमा सहना र'ई।

1 कोरिन्‍थ 13:7

चोन्‍हा उर्मी कत्‍थन सह'ई, अरा उर्मी कत्‍थन पत्त'ई, अरा उर्मी कत्‍था नू असरा उइय्यी, अरा उर्मी कत्‍था नू सहनुम चिहुट ननी।

गलातिया 6:2

एन्ने ओत्‍था चिरखीन चेड़'आ गे ओर्त ओर्त ही सहाड़ा नना। अरा एन्ने नन्‍दर होले, मसीसी पॆसका आबोन नन्‍दर।

इफेसुस 1:4

नाम आसी ऎरना नू नेम्हा अरा बिगर बदी र'आ गे ख़ॆख़ेल ही गढ़्रना ती मुन्द दिम आस नमन मसीस नू चज्जियस। आस तंग्है चोन्‍हा ही चड्डे

कोलोस्से 1:11

अरा धर्मेस तंग्है कोड़हे सवंग ही लेक्खा उर्मी सवंग गने निमन बड़ियर कम'ओस, होले नीम उर्मी रकम ही सहना अरा खतिर नन्नन ख़क्खोर,

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

याकॊब 1:21

औंगे उर्मी मदहे ही सोतबोड़'आ अरा मलदौ नलखन निम्है उज्जना ती तरकूटी नना ती निम्है जिया नू धर्मेसी चाँख़का कत्‍था आबोन लुदऊ ती इंझ्र'आ। आ कत्था निम्‍है जियन नाड़ा गे सवंगिय र'ई।

1 पतरस 3:15

लिकिन नीम मसीसिन निम्‍है उज्जना नू उर्बस ब'अरकी इंझ्ररकी आसिन मईन नना। अरा नेकईम मसीसी मइय्याँ ता निम्है असरा ही पत्त नू इन्द्रिइम मेन्नर होले, आर गे अदही पत्त नू बुझुरत'आ गे सगरो सपड़ारका र'आ।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।