इफेसुस 4:10 - पुना गच्छरना NT (BSI)

¹⁰ नॆ किय्या इत्तियस, आसिम उर्मी मेर्ख़ा गुट्ठी ही मइय्याँ हूँ अरगियस, होले आस गोट्टा सौंसेन तंग्है ती नींद'आ ओंग्दस।

इफेसुस 4:10 ပူးပေါင်းရင်းမြစ်များ

मत्तायोस 24:34

ऎन निमन मानिम ब'अदन, एका गूटी इबड़ा उर्मी कत्‍था मनो आ गूटी ई परिया ता जोक्को आलर उज्‍जोर।

लू‍कस 24:44

तहाँ आस आरिन बाचस, “एका कत्‍थन ऎन निम्‍है गने र'अना बेड़ा निमन तिंकन, एन्‍देर एंग्‍है पत्त नू मूसासी पॆसका नू अरा धर्मेसी कत्‍था तिंगुर अरा अस्सना-पाड़ना डंडी पुथी नू लिख्रकी र'ई अबड़ा उर्मी कत्‍था मन्ना चाड़ र'ई।”

यॊहनस 1:16

अरा आसी मया ही निंद्रका ती नाम ओर्मत आसीस ही म‍इय्याँ आसीस ख़क्‍खकादत।

यॊहनस 19:24

ख़ने आर ताम ताम कछनख्रर, “नाम इदिन अम्‍बोत चर्रा, लिकिन चिठी टिड़'ओत ती ऎरोत का ईद नॆका ख़क्‍ख्र'ओ।” ईद इदगे मंजा का नेम्‍हा पुथी नू लिख्रकी र'ई आद मनी नेकअन, “आर एंग्‍है किचरी गुट्ठिन तमा नू ख़ट्टरर अरा एंग्‍है किचरी गे चिठी टिड्डर।” औंगे सैनर इबड़न नंजर।

यॊहनस 19:28

इदही ख़ॊख़ा येसुस अक्‍खस का आस तंग्‍है उर्मी नलखन नंज ख़च्‍चियस। औंगे नेम्‍हा पुथी ता लिख्रका मना गे आस बाचस, “ऎन ओनक'आ र'अदन।”

यॊहनस 19:36

“आसी ख़ॊचोल ओन्‍टा हूँ मल एस्‍तार'ओ।” एन्ने नेम्‍हा पुथी नू लिख्रका कत्‍था मना गे इबड़ा मंजा।

त‍इरकर 1:11

अरा आर बाचर, “अना गलिलेया आलारो, नीम एन्‍देरगे इज्‍जनुम मेर्ख़ा तरा मॆन ऎरालदर? ई येसुस, नॆ निम्‍है गुसते मेर्ख़ा होतारस, एकासे नीम आसिन मेर्ख़ा काना ईरकादर, अन्नेम आस फिन बर'ओस।”

त‍इरकर 1:9

आस इबड़न बाचका ख़ॊख़ा, आर ही ईरनुम ईरनुम आस म‍इय्याँ होतारस। अरा ओन्‍टा बदाली आर ही ईरनुम ती आसिन कुल्‍लिया चिच्‍चा।

त‍इरकर 2:33

तहाँ धर्मेस आसिन होच्चस ती तंग्‍है गने ओक्‍तारकी राजी नन्ना ही म‍ईन आबोन चिच्‍चस। अरा आस बबस गच्‍छरका नेम्‍हा बॊलतासिन ख़क्‍खियस ती अदिन नमा चिच्‍चस, एकासे अक्‍कुन नीम ऎरदर अरा मेन्‍दर।

त‍इरकर 3:18

लिकिन धर्मेस मुन्‍द तिम तंग्‍है कत्‍था तिंगुर ती ‘मसीस गे दुक्खे चॊदना र'ई’ एन्ने बाचका लेक्‍खा अदिन पूरा नंजस।

2 कोरिन्‍थ 12:2

मसी नू ऎन ओर्त आलासिन अख़दन, चौदा चान ही मुन्द आस तिसर मेर्ख़ा गूटी चॊदतारस। आस मॆद नू रहचस मलता मॆद ही बहरी रहचस ऎन बलदन। अदिन धर्मेस दिम अख़दस।

इफेसुस 3:19

अरा नीम मसीसी चोन्‍हन अख़दर नेकअन, एकदा अख़ना लूर ती गेच्‍छा र'ई। ई लेक्‍खा नीम धर्मेसी उर्मी लेक्खा निंदका ती निंद्रदर नेकअन।

कोलोस्से 1:19

एन्‍देरगेका धर्मेस तंग्है उर्मी निंद्रका आस नू ओक्कर'आ गे बिद्दियस।

कोलोस्से 2:9

एन्‍देरगेका मसीस नू धर्मे बारना ही उर्मी आलॊ आल रूपे नू मड़चकी र'ई।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

इब्रानी 4:14

नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

इब्रानी 8:1

अक्‍कु एका कत्‍थन ऎम ब'आ लगदम, अबड़ा कत्‍था ही मने ईद र'ई का नम्‍है एन्ने कोहाँ नैगस र'अस, आस महबा ती निन्‍द्रका धर्मेसी बॆल-गदिया ही तीना चोक्‍ख उक्‍कादस।