इफेसुस 3:3 - पुना गच्छरना NT (BSI)

³ धर्मेस तान तंग्है गम चिताबुतन एंगा दहदर नंजस। ऎन इदही पत्त नू मुन्द दिम अंछर ती लिखचका र'अदन।

इफेसुस 3:3 ပူးပေါင်းရင်းမြစ်များ

त‍इरकर 22:17

ऎन येरुसलॆम किर्रकन ती धर्मेसी मन्दिर नू गोहरार'आ लिक्‍कन ख़ने, मोखरकन केरकन।

त‍इरकर 22:21

ख़ने आस एंगन बाचस, ‘कला, एन्‍देरगेका ऎन निंगन गेच्‍छा नू नन-यहूदी आलर गुसन त‍इय्योन।’”

त‍इरकर 23:9

ख़ने गोंहड़ा राँव राँव मना हेलरा, अरा फरिसीर ती जोक्‍क नॆग सिखाब'उर बोंग चॊचर अरा एन्ने बाचर ती आनानख्र'आ हेलरर, “ऎम ई आलस म‍इय्याँ एन्‍देर बदी हूँ मल ख़क्‍खदम, मना ऊंगी का एक‍अम मेर्ख़ा पैकस महले बॊलता आसी गने कछनखरा।”

रोमी 11:25

अना भ‍ईरो! ऎन निमन ई भेद ही मनेन बुझुरत'आ गे बेद्ददन, होले नीम निमन कोड़हे लूरगर अम्‍बोर बुझ्र'ओर। इस्राऎल ता कुदहा आलर अक्‍कुन बेड़हा मंजका र'अनर। लिकिन गोट्टा नन-यहूदीर हूँ आसिन पत्त'अना गूटी लेका आर एन्ने र'ओर।

रोमी 16:25

धर्मेस गे ओहमा मनन नेकअन। आस दौ कत्‍था ती निमन पत्त'अना नू बड़ियर नना ओंग्दस, एका कत्‍थन ऎन येसु मसीसी पत्त नू निमन तिंकन। ई कत्‍था ही गम हुल्‍लो ती नूख़्रकी रहचा।

2 कोरिन्‍थ 12:1

एंगा अउर हूँ फुलई मना गे चाड़ र'ई होले, ऎन फुलई मनोन, लिकिन अत्रु ती एन्द्रा हूँ दौ मल्‍ली। अन्नु हूँ उर्बस ती एंगा ख़क्ख्रका देखार अरा दहदर गुट्ठिन ऎन तेंगोन।

गलातिया 1:12

ऎन अदिन एकअम आलस ती मल्‍ला इंझ्रका, अरा एकअम आलस ती हूँ मल्‍ला सिख्रका, आद एंगा येसु मसीस दहदर नंजस ख़ने ख़क्‍ख्रा।

इफेसुस 1:17

अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 3:4

ऎन निमा एन्देर लिखचका र'अदन, अदिन नीम पढ़'ओर होले, मसीसी गम चिताबुता ही पत्त ता एंग्है बुझुरकन नीम अख़'आ ओंगोर।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

इफेसुस 3:9

आ गम चिताबुतन ओर्मा आलर गे बुझुरत'आ गे ऎन चज्रकादन, एकदा उर्मिन गढ़'ऊ धर्मेस ती मुन्द ता परिया गुट्ठी नू नुड्डका उइय्का रहचा।

इफेसुस 6:19

अरा एंगा गे हूँ गोहरार'आ का ऎन एका एका बारी धर्मेसी कत्थन तेंगोन, आ बारी डिढ ती दौ कत्‍था ही गम आबोन तेंगा गे धर्मेस कत्था गुट्ठिन चि'अदस नेकअन।

कोलोस्से 2:2

नीम हूँ अरा आर हूँ रिझ्रारकी चोन्‍हा ती मेस्रका र'अना र'ई, ईद दिम एंग्है मने हवे। होले नीम उर्मी बुझुरना गने अजगुत आसीसन ख़क्‍खोर ती धर्मेसी गम आबोन अख़'ओर चि'ओर। आ गम मसीस दिम हवे।

कोलोस्से 4:3

अरा इदही गने एमा गे हूँ गोहरार'आ का धर्मेस एमा गे दौ कत्‍था तेंगा गे बलिन तिसगदस नेकअन। होले ऎम मसीसी पत्त ता गम ही कत्‍थन तेंगा ओंगोम। ई नलख ही चड्डेम ऎन जेहेल नू हॆंरकादन।

इब्रानी 13:22

अना भ‍ईरो! ऎन जुक्‍की दिम निमा गे लिखचका ई चेताब'अना ही कत्‍थन नीम इंझ्र'आ गे गोहरारदन।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

2 पतरस 3:15

अरा सुरता नना का, नम्है उर्बासी कयास आलर गे नाड़र'आ गे बेड़न चि'ई। अन्ने दिम नम्है चोन्हा भई पौलुस हूँ धर्मेस तंगा गे चिच्का लूर ती निमा गे लिखचस।