इफेसुस 3:17 - पुना गच्छरना NT (BSI)

¹⁷ अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

इफेसुस 3:17 ပူးပေါင်းရင်းမြစ်များ

मत्तायोस 13:6

लिकिन बीड़ी सेकचा, ख़ने चड़मियाँ केरा, अरा पादा मल धरना चड्डे ख़इय्या केरा।

लू‍कस 6:48

आर आसी बेसे र'अनर का एकास गड्डी अरख़ियस ती चचड़ी नू नेव नंजस ती एड़पा कमदस। बहड़ी बरचा ख़ने आ एड़पा नू लग्‍गिया लिकिन आद अदिन नुक'आ पोल्‍ला। एन्‍देरगेका आद चचड़ी नू नेव कमचका रहचा।

यॊहनस 14:17

आस दिम उर्मी मानिमन दहदर ननू नेम्‍हा बॊलतस हिकदस। आसिन ई ख़ॆख़ेल ता आलर मल इंझर'ओर, एन्‍देरगेका आर आसिन मल ऎरनर महले आसिन बलनर। लिकिन नीम आसिन अख़दर, एन्‍देरगेका आस निम्‍है गने उज्‍जदस अरा निम्‍है नू र'ओस।

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

यॊहनस 6:56

नॆ एंग्‍है अहड़न मॊख़दस अरा एंग्‍है ख़ॆंसन ओन्‍दस, आस एंग्‍है नू र'अदस अरा ऎन आस नू र'अदन।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

1 कोरिन्‍थ 3:6

ऎन इदकन, अप्‍पोल्लॊस अम्म टेड़चस, लिकिन धर्मेस गा अदन परदाचस।

1 कोरिन्‍थ 8:1

अक्‍कु मूर्ती गुट्ठी गे दाँड़े अरगका ओन्ना-मॊख़ना ही पत्त नू एंग्‍है ब'अना ईद र'ई का‍ नाम ओर्मत गे इदही पत्त ता लूर र'ई का मूर्ती गुट्ठी गे दाँड़े अरगका ओन्ना-मॊख़नन मॊख़ना पाप मलकी। लूर आलारिन फुल‍ई मन्‍त'ई, लिकिन चोन्‍हा आलारिन कम'ई।

2 कोरिन्‍थ 13:5

नीम निमन बिढ़'आ ती ऎरा का नीम पत्त'अना नू उज्‍जालदर का मला, नीम निमानिम जँच'आ। एन्‍देर नीम मल चिन्हदर का येसु मसीस निम्‍है नू र'अस? अन्ने नीम मल चिन्हदर होले, नीम जंचना नू हार मंजकर केरकर।

2 कोरिन्‍थ 6:16

धर्मेसी मन्दिर गे मूर्ति गुट्ठी गने एन्‍देर नता? नाम गा उज्‍जना धर्मेसी मन्दिर हिकदत। एकासे का, धर्मेस बाचकादस, “ऎन आर नू ओक्र'ओन, अरा आर ही मझी नू कुद्दोन नुंगोन, अरा ऎन आर ही धर्मे र'ओन, अरा आर एंग्है आलर र'ओर।”

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

कोलोस्से 2:7

अरा नीम आस नुम पादा हॆंरनुम अरा परदनुम कला, अरा एकासे निमन सिखाबाचका र'ई अन्नेम पत्त'अना नू बड़ियर मन्नुम कला, अरा धर्मेस गे बग्‍गे ती बग्‍गे धन्‍यवाद नन्नुम कला।

1 यॊहन 4:16

अरा धर्मेस नम्है मइय्याँ नंजका चोन्हन नाम अक्कादत अरा पत्ताचकादत। धर्मेस चोन्हा हिकदस। एकास चोन्हा नू बन्चकादस आस धर्मेस नू बन्चकादस, अरा धर्मेस हूँ आस नू बन्चकादस।

1 यॊहन 4:4

अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।

दहदर मंजका कत्‍था 3:20

ऎरा, ऎन बली मुन्दहारे इज्‍जकन ती ठोकठोका ब'अदन। नीकईम एंग्है सड़न मेन्दस ती बलिन तिसगदस होले, ऎन आसी गुसन बर'ओन ती आसी गने ओनोन मॊख़'ओन अरा आस एंग्‍है गने ओनोस मॊख़'ओस।