इफेसुस 3:12 - पुना गच्छरना NT (BSI)

¹² नाम मसीस नू र'अना ती अरा आसी मइय्याँ ता पत्त'अना ही चड्डे, नाम डिढ अरा बड़ियर असरा गने धर्मेसी छमहे नू बर'आ ओंग्दत।

इफेसुस 3:12 ပူးပေါင်းရင်းမြစ်များ

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

रोमी 3:22

धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्‍टा दिम र'ई।

रोमी 5:2

येसुस नमन नम्‍है पत्त'अना चड्डे ई पुना नता नू ओन्‍द्रकादस एका इय्या नाम धर्मेसी मया आबोन लखदत। धर्मेस आसी महबा आबोन नमा गे ख़ट्टोस, ई असरा ती नाम रिझ्रदत।

2 कोरिन्‍थ 3:4

एन्ने लेक्खा पखड़ असरा एमा गे मसीस ती धर्मेस मइय्याँ र'ई।

इफेसुस 2:18

औंगे आसी चड्डे नाम इरबत ओन्टा बॊलतस ती धर्मे बंगस मुन्दहारे बर'आ ओंग्दत।

इब्रानी 10:35

औंगे नीम उर्बस नू र'ऊ निम्‍है बड़ियर असरा आबोन अमा अम्‍बा, आद निमा गे कोड़हे ख़ंजपन उन्‍द्र'ई।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

1 पतरस 3:18

इवंगेका मसीस नन्नर ही पाप गुट्ठी गे ओंग्होल लेका केच्चस केरस। आस धर्मेसी ऎरना नू उजगो रहचस, लिकिन आस निमन धर्मेस गुसन अंड़सत'आ गे धर्मेसी ऎरना नू उजगो मलकर गे केच्‍चस। आस कया ती गा पिटतारस, लिकिन बॊलतस नू उज्‍जतारस।

1 यॊहन 2:28

अक्कु अना चोन्हा ख़द्दारो, आस दहदर मन्ना बारी आसी किर्रना नू नाम आसी मुन्दहारे बिगर लज्जे मॊख़रकी डिढ गने र'आ गे आस नू बन्चका र'आ।

1 यॊहन 3:21

अना दुलारो, नम्है जिया नमन बदी मल नन्त'ई होले, नाम धर्मेस गुसन डिढ गने बर'आ ओंग्दत।