इफेसुस 3:10 - पुना गच्छरना NT (BSI)

¹⁰ धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

इफेसुस 3:10 ပူးပေါင်းရင်းမြစ်များ

रोमी 11:33

बोह! धर्मेसी खुरजी अरा लूर अरा अकिल एवंदा गड्डी र'ई। आसी नेंव‍ई आबोन बेद्दरकी अख़'आ पोल्‍लना र'ई अरा आसी नन्ना ही घत आबोन बुझुर'आ पोल्‍लना र'ई।

रोमी 8:38

एन्‍देरगेका ऎन निचट अख़दन का खे'अना मलता उज्‍जना अरा मेर्ख़ा पैकर मलता उर्ब ननू नाद गुट्ठी अरा अक्‍कु ता मलता बरना उल्‍ला ता मन्ना कत्‍था मलता एकअम सवंग,

1 कोरिन्‍थ 1:24

लिकिन यहूदीर ती अरा नन-यहूदीर ती धर्मेस नॆकन मॆख़्रकादस, आर गे मसीस दिम धर्मेसी सवंग अरा धर्मेसी लूर हिकदस।

1 कोरिन्‍थ 2:7

ऎम गा धर्मेसी लूरन, नूख़्रका गम आबोन लेका तेंगदम। इदन धर्मेस ख़ॆख़ेल ही ऒरे ती मुन्‍द तिम नाम मसीसी महबा नू हिसा मना गे ठनचस।

इफेसुस 1:21

इत्रु ती आस मसीसिन उर्मी राजी ननुर अरा अदिया अरा सवंग अरा उर्बस मन्ना ही मइय्याँ कोहाँ नंजस। अरा ई पूर नू लेका मला अउर बरना पूर नू हूँ नामे ख़क्ख्रका उर्मी नामे ही मइय्याँ आसिन कोहाँ नंजस।

इफेसुस 1:23

आ कलीसिया दिम मसीसी मॆद लेक्खा र'ई। ईद उर्मी अड्डा नू उर्मी नू तंग्है र'अना ती निंद'ऊ मसीस ती निंदका र'ई।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

इफेसुस 1:8

आ मया आबोन आस नमा गे उर्मी लूर अरा बुझ्रना ही सवंग गने बग्गे ती बग्गे चिच्कादस।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

कोलोस्से 1:16

एन्‍देरगेका आस तिम उर्मी आलॊ गढ़रा। मेर्ख़ा ता अरा ख़ॆख़ेल ता उर्मी, ऎथ्रना अरा मल ऎथ्रना उर्मी, बॆल-गदिया गुट्ठी मलता सवंग गुट्ठी, अक्स'उर मलता अदिया गुट्ठी उर्मी आस तिम अरा आस गेम गढ्रकी र'ई।

कोलोस्से 2:10

अरा आस नू नीम निंद्रकादर, एकास उर्मी अक्स'उर अरा अदिया गुट्ठी ही अक्स'ऊ हिकदस।

कोलोस्से 2:15

ई लेक्खम धर्मेस अक्स'ऊ अरा अदिया उइय्यू मलदौ बॊलता गुट्ठी ही सवंगन ओथ्रस चिच्चस। अरा मसीस क्रुस नू केच्चस ती धर्मेस अबड़न जितचस ती अबड़ा सवंग मलका एन्ने ख़ॆख़ेल गे ऎदस।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

1 पतरस 1:12

आर गे तेंगतारा केरा का इबड़ा कत्था गुट्ठी तम्है उज्जना बेड़ा नू मल मनो, लिकिन बग्गे चाँन ही ख़ॊख़ा निम्है बेड़ा नू मनो। अरा मेर्ख़ा ती तइरका नेम्हा बॊलतासी सवंग ती निमा गे दौ कत्था तिंगुर ती अक्कुन ई दौ कत्था मेन्तारकी र'ई। ईद कोड़हे बॆस हवे का मेर्ख़ा पैकर हूँ इबड़ा कत्‍था गुट्ठी मन्नन ऎरा गे चिबाख़ारनर।

1 पतरस 3:22

मसीस मेर्ख़ा नू केरस ती कोड़हे मईन ही अड्डा धर्मेसी तीना पक्खे ओक्का र'अदस। अरा उर्मी मेर्ख़ा पैकर अरा अदिया गुट्ठी अरा सवंग गुट्ठी आसी आकुस ही किय्या र'ई।