इफेसुस 2:8 - पुना गच्छरना NT (BSI)

⁸ मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

इफेसुस 2:8 ပူးပေါင်းရင်းမြစ်များ

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मत्तायोस 20:9

एका ओर्तर पुत्तबारी पांच बजे हेलरका रहचर आर बरचर, आर ओर्त ओर्त ओन ओन दॆनारी ख़क्‍खियर।

मरकुस 16:16

नॆ पत्त'अरकी एंग्‍है नामे नू नॊड़र'ओस आसिन धर्मेस बछाब'ओस। अरा नॆ मल पत्त'ओस आसिन धर्मेस दंडे चि'ओस।

लू‍कस 7:50

लिकिन आस आ मुक्‍कन बाचस, “नीन एंगन पत्ताचकय, औंगे धर्मेस निंगन नाड़ियस, कोड़े गने किर्रिम बि'अय।”

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

यॊहनस 6:35

येसुस आरिन बाचस, “ऎन दिम उज्‍जना चि'ऊ असमा हिकदन। नॆ एंग्‍है गुसन बरदस आस इकला हूँ कीड़ा मल सार'ओस, अरा नॆ एंगन पत्त'अदस आस इकला हूँ ओनक'आ मल सार'ओर।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

यॊहनस 6:40

अरा एम्‍बासी मने ईद र'ई का, नॆ नॆ आसी ख़द्दन एंगन ईरका ती एंगा नू पत्त'अदर, आर गे जनमजुग उज्‍जना ख़क्‍ख्र'ओ, अरा छेद्दे उल्‍ला नू आरिन उज्‍जा चॊद'ओन।”

यॊहनस 6:44

एंगन तइय्का बंगस ओर्तोसिन एंग्‍है गुसन मल नतगदस होले, नॆ हूँ एंग्‍है गुसन बर'आ पोल्‍लनर, अरा ऎन छेद्दे उल्‍ला नू आरिन उज्‍जा चॊद'ओन।

यॊहनस 6:65

फेन येसुस बाचस, “इदगेम ऎन निमन बाचकन का, बंगस ओर्तोसिन एंग्‍है गुसन बर'आ गे मल चि'अदस होले, नॆ हूँ एंग्‍है गुसन बर'आ पोल्‍लनर।”

त‍इरकर 13:39

लिकिन येसुसिन पत्त'ऊ ओर्मर तम्‍है पाप ती बछर'ओर।

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

त‍इरकर 15:11

लिकिन नाम पत्त'अदत का नाम अरा आर हूँ उर्बा येसुसी सोग्‍गे ती नाड़र'ओत।”

त‍इरकर 16:14

थुअतीरा नगरे ता लुदिया नामे ही बैजनी किचरी बीसू धर्मेसिन महबा ननू आली अदिन मेना लगिया। पौलुसी कत्‍थन मेना गे धर्मेस अदही जिया बलिन तिसगस।

त‍इरकर 16:31

आर बाचर, “नीन उर्बा येसुसिन पत्त'आ होले, नीन अरा निंग्‍है एड़पातर नाड़र'ओर।”

रोमी 10:14

लिकिन आलर आसिन मल पत्ताचका होले आर नाड़र'आ गे एकासे आसिन गोहरार'ओर? अबड़र आसी पत्त नू मेना हूँ मल्‍ला मेंजका होले आसिन एकासे पत्त'ओर? ओर्त हूँ आसी पत्त नू तेंगा कुद्दु मल र'ओर होले आर एकासे मेनोर?

रोमी 10:17

दौ कत्‍था मेन्ना ती पत्त'अना मनी, अरा मेन्‍तार'ई आद मसीसी कत्‍था हवे।

रोमी 4:16

औंगे धर्मेसी गच्‍छरना पत्त'अना ती ख़क्ख्र'ई। ई गच्‍छरका सिथिया ही मया ती अब्राहमसी जंईपुंई ओर्मर गे चितार'ई। ईद मूसासी पॆसका ही तबे नू र'उर गे लेका मला नाम ओर्मर ही बंग अब्राहमस एकासे पत्ताचस, अन्ने पत्त'ऊ आलर गे हूँ चितार'ई।

रोमी 4:5

लिकिन एका ओर्तस मलदौ आलारिन छमा ननू धर्मेसिन पत्त'ऊ र'अदस आस गे तंग्‍है नलख नू मला आसी पत्त'अना दिम उजगो गनतार'ई।

रोमी 9:16

औंगे ईद आलर ही मने ती मला महले आलर ही तिहा ती मला। धर्मेस नॆख'आ म‍इय्याँ सोग्‍गे ऎरा गे मने नन्‍दस आरिन आस चाज्‍जदस।

गलातिया 3:14

ईद इदगे मंजा का मसी येसुस ती अब्राहमसी आसीस नन-यहूदीर गे हूँ ख़क्‍ख्र'आ गे आस नमन नाड़ियस। अरा नम्‍है पत्त'अना ती ई बॊलतस नमा ख़क्‍‍ख्र'आ ओंग्‍दस एकासी पत्त नू गच्‍छरकी रहचा।

गलातिया 3:22

लिकिन नेम्हा पुथी ब'ई का नाम ओर्मत पाप ही आकुस नू र'अदत। एकत्रु येसु मसीस नू पत्त'अना ती पत्त'उर धर्मेसी गच्‍छरना आबोन ख़क्‍खनर नेकअन।

इफेसुस 1:19

अरा पत्त'ऊ आलर नमा गे आसी चि'अना मल जोक्खना तंग्है कोड़हे सवंग आबोन नीम अख़'ओर चि'ओर। ई सवंग आसी कोड़हे पया लेक्खम र'ई का धर्मेस मसीस नू ऎदस, एका बेड़ा आस मसीसिन केचका ती उज्‍जताचस चॊदस ती मेर्ख़ा नू तंग्‍है तीना चोक्‍ख ओक्‍ताचस।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 2:5

नाम नम्है अक्का-बलका गुट्ठी ही चड्डे केचका रहचकत ख़ने हूँ, आस नमन मसीस गने उज्‍जताचस। अरा आसी मया ती नीम नाड़रका र'अदर।

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

2 थेस्‍सलोनिकॆयर 1:9

आर जनमजुग गे नठारना ही दंडे ख़क्‍खोर। आर उर्बासी मुन्‍दहारे ती अरा आसी सवंग ही महबा ती तरकूटी मनोर।

इब्रानी 6:4

एन्‍देरगेका नॆ ओंग्‍होन धर्मेसी बिल्‍ली नू रहचकर अरा धर्मेसी आसीस आबोन अगमाचकानर अरा तम्‍है बटा ही नेम्‍हा बॊलतासिन ख़क्‍खकानर,

1 पतरस 1:5

नीम गा आ नाड़रनन ख़क्खना गूटी निम्‍है पत्त'अना ती धर्मेस तंग्है सवंग ती निमन ख़ापालदस। आ नाड़रना छेद्दे बेड़ा नू दहदर मना गे सपड़ारकी र'ई।