इफेसुस 2:6 - पुना गच्छरना NT (BSI)

⁶ धर्मेस मसीस गने नमन उज्‍जताचस चॊदस ती मसी येसुस गने नमा मेस्रना चड्डे मेर्ख़ा ही कोहाँ अड्डा नू तंग्है गने ओक्‍ताचस।

इफेसुस 2:6 ပူးပေါင်းရင်းမြစ်များ

मत्तायोस 26:29

ऎन निमन ब'अदन का ऎन एम्‍बासी राजी नू निम्‍है गने पुना अंगुर रासी ओन्ना गूटी इदन ई तरिका ती मुन्‍द इकला हूँ मल ओनोन।”

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

यॊहनस 14:3

ऎन असन कालरकी निमा गे ओन्‍टा अड्डा सपड़ारका ख़ॊख़ा, अउरिम बर'ओम ती नीम एंग्‍है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 2:13

ओन बेड़ा नू नीम धर्मेस ती गेच्‍छा रहचकर, अक्‍कु गा मसी येसुस गने मेस्रना ती र'अना ती मसीसी ख़ॆंस ती धर्मेसी हेद्दे बरचकर केरकर।

कोलोस्से 1:18

अरा आसिम तंग्है मॆद कलीसिया ही कुक्‍कु अरा अदही ऒर हिकदस। अरा आसिम केचका मधेर ती उज्‍जा चो'उर नू मुन्दतस हिकदस। औंगे आसिम उर्मी नू मुन्द मनोस।