इफेसुस 2:3 - पुना गच्छरना NT (BSI)

³ अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

इफेसुस 2:3 ပူးပေါင်းရင်းမြစ်များ

मरकुस 4:19

लिकिन आर उरुब मना गे अरा बग्‍गे खुर्जी ख़क्‍खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्‍थन मॊधर'आ गे ननी। औंगे धर्मेस आरिन एन्‍देर नन्ना र'ई एन्ने बेद्ददस अदिन आर मल नन्नर।

यॊहनस 1:13

आर अयंग-बंग ती, महले मॆद ही मने ती, महले मॆत-मुक्‍का ही मने ती धर्मेसी ख़द्दर मल मंजर, लिकिन धर्मेस तंग्‍है मने ती आरिन तंग्‍है ख़द्दर कमचस।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

त‍इरकर 14:16

आस केरका बेड़ा नू उर्मी जातियारिन तम्‍है तम्‍है डहरे नू ऎका चिच्‍चस।

रोमी 1:24

औंगे धर्मेस आरिन पाप नन्ना ही मने, जिया ही चिबाख़ारना गुट्ठी ती सोतबोड़'आ मना गे अम्‍बियस चिच्‍चस। ख़ने आर तम्है कयन ओरोत ईरीब नू लज्‍जे मलका सोतबोड़'आ नंजर।

रोमी 11:30

एकासे का नीम मुन्‍द धर्मेसी कत्थन मल पॆस्र'आ लिक्‍कर, अक्‍कु यहूदीर ही मल पॆस्रना ही चड्डे धर्मेसी सोग्‍गे ख़क्‍खकादर।

रोमी 13:14

लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

रोमी 2:14

एका ओर्तर यहूदी मलनर आर गे धर्मेसी पॆसका मल ख़क्‍खरा। अन्नु हूँ आर आ पॆसकन पॆस्रनर होले, आर पॆसका मलका नू हूँ ताम तम्‍है नू पॆसका हिकनर।

रोमी 5:10

एन्‍देरगेका नाम धर्मेसी बैरी र'ओ बारी नाम धर्मेस गने आसी ख़द्दासी खे'अना ती निभ्रदत। अक्‍कुन नाम धर्मेस गने निभ्रकत ख़ने आस नमन तंग्‍दासी उज्‍जना ती दंडे ती नाड़ोस दिम।

रोमी 5:9

अक्‍कु गा नाम मसीसी ख़ॆंस ती उजगो मंजका र'अदत होले आस नमन धर्मेसी ख़ीस ती नाड़ोस दिम।

रोमी 6:12

औंगे नीम निम्‍है नठारना मॆद नू पापन राजी नना अमके चि'आ अरा अदही चिबाख़ारना ही तबे नू अमके मना।

रोमी 7:18

ऎन अख़दन का एंग्है नू एन्‍द्रा हूँ बॆस मल मड़'ई। मड़'ऊ गा एंग्‍है पाप मॆद सुबहा। एंगा बॆस नलख नन्ना ही मने गा र'ई। लिकिन अबड़न ऎन नन्‍त'आ पोलदन।

रोमी 9:22

ई लेक्‍खम धर्मेस हूँ तंग्‍है ख़ीस ऎद'आ गे अरा तंग्‍है सवंगन दहदर नन्‍ना ही मने र'ई। लिकिन आस आलर ही म‍इय्याँ तंग्‍है कोड़हे कयास नंजस एकार आसी ख़ीस ही संजगी रहचर एकाबड़ा नठाब'आ गे सपड़ाचका रहचा।

1 कोरिन्‍थ 4:7

एन्‍देरगेका नॆ हूँ निंगन नन्ना पत्त'उर ती कोड़हे मुध आलस एन्ने मल्‍ला कमचका। धर्मेसी नलख नना गे इन्द्रिइम निंग्‍है गुसन र'ई, आद धर्मेस ती बर'ई। औंगे अबड़ा आकुस धर्मेस निंगा गे चिच्‍चस एन्ने नीन मन्‍दय होले, अबड़न ओन्‍टा इनाम रूपे नू ख़क्‍खकय एन्ने मल सोच'अरकी एन्‍देरगे फुलई मन्‍दय?

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

गलातिया 3:22

लिकिन नेम्हा पुथी ब'ई का नाम ओर्मत पाप ही आकुस नू र'अदत। एकत्रु येसु मसीस नू पत्त'अना ती पत्त'उर धर्मेसी गच्‍छरना आबोन ख़क्‍खनर नेकअन।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 4:22

औंगे नीम निम्है पच्चा उज्‍जना ओक्‍कनन अरा पच्चा आल सुबहन एकदा घुरिय'अना सुख-सौंरत चड्डे बगड़ारनुम काला लगी, अदन अम्बा चि'आ।

कोलोस्से 1:21

अरा ओंग्होल नीम आसी गेच्‍छा भिन्गे रहचकर, अरा नीम निम्है मलदौ सोच अरा नलख गुट्ठी ती आसी बैरिर रहचकर।

1 थेस्‍सलोनिकॆयर 4:13

अक्‍कु भईरो, केचका आलर ही पत्त नू नीम बल्‍लुर लेक्‍खा र'आ गे, अरा अदही पत्त नू असरा मल्‍ला आर ही लेक्‍खा नीम दुक्‍ख नू र'आ गे ऎम मल बेद्ददम।

1 थेस्‍सलोनिकॆयर 5:6

औंगे नाम नन्‍नर ख़न्‍द्रनर अन्ने अम्‍बोत ख़न्‍द्र'आ। लिकिन नाम एज्रका अरा जगचका र'अना र'ई।

1 तीमोथियुस 6:9

लिकिन नॆ उरुब मना बेद्दनर आर एन्ने बिढ़्रना अरा फंदा अनभनियाँ अरा बगड़ारना चिबाख़ारना नू बझरनर। एकदा आलारिन बगड़'ई चि'ई अरा बुडरना ही समुदर नू मूलख़'ई चि'ई।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

2 पतरस 2:14

आर ताम ईरू उर्मी आलीर गने नन्ना आली गुसन कालू पापन नना बेद्दनर। अरा आर इकला हूँ पाप नना गे मोका बेद्दनन मल अम्बनर। आर ठिमठिमने मल र'ऊ आलारिन तम्है तरा मन्तानर, अरा आर ही जिया मलदौ चिबाख़ारना नू हेबरा केरा, अरा धर्मेस आर गे दंडे चि'ओस।

2 पतरस 2:18

ईर अनभनियाँ कत्था गुट्ठिन कछनख्रनर ती तम्है पत्त नू फुलई मन्नर। अरा मलदौ डहरे नू उज्जू आलर ती बछर'आ गे चिहुट ननू पुना पत्त'ऊ आलारिन ईर आल सुबहा ती बरना पेहरन ही सोतरा नलख ही चिबाख़ारनन चिबाख़ार'आ गे नन्ना ती आरिन पाप नुम र'आ गे तिहा नन्नर।

1 यॊहन 2:16

एन्देरगेका ई ख़ॆख़ेल नू र'अना कया ही चिबाख़ारना अरा ख़न्न ही चिबाख़ारना अरा उज्जना ही खुर्जी गुट्ठी ही फुलई मन्ना इबड़ा उर्मी धर्मे बंगस ती मला, लिकिन ख़ॆख़ेल ती बर'ई।

1 यॊहन 2:8

अन्नु हूँ एका पॆसकन ऎन अक्कुन लिखदन, आद पुना हवे। ई पॆसका ही मानिम मसीस नू अरा निम्है नू हूँ ईथ्र'ई, एन्देरगेका ऊख़ा तरकूटी मनाली अरा मानी बिल्ली अक्कु बिल्चाली।