इफेसुस 2:2 - पुना गच्छरना NT (BSI)

² आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 2:2 ပူးပေါင်းရင်းမြစ်များ

मत्तायोस 11:19

लिकिन मनवा ख़द्दस बने उन्नुम मॊख़नुम बरचस। ख़ने आर ब'अनर का ईस पेट पोसा अरा उंखुस अरा मलगुजारी ऊज'उर अरा पपहर ही संगेस हवे। लिकिन धर्मेसी लूर अदही लेक्‍खा ईकुर ही नलख ती आद मानिम एन्ने ईथर'ई।”

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मत्तायोस 13:38

ख़ल्‍ल ख़ॆख़ेल हवे, दौ बिहनी धर्मेसी राजी ही आलर हिकनर, अरा लट्टी सैतान ही आलर हिकनर।

मरकुस 4:19

लिकिन आर उरुब मना गे अरा बग्‍गे खुर्जी ख़क्‍खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्‍थन मॊधर'आ गे ननी। औंगे धर्मेस आरिन एन्‍देर नन्ना र'ई एन्ने बेद्ददस अदिन आर मल नन्नर।

लू‍कस 16:8

ख़ने उर्बस मलदौ ईरु-ख़ूजुसी लूर आबोन ईरियस ती आसिन सहरारस। एन्ने ई परिया ता मल पत्त'ऊ आलर गा तम्‍‍है आलर मदहे नू धर्मेसी राजी गे जॊगे आलर ती लूरगर र'अनर।

लू‍कस 22:31

फिन उर्बस बाचस, “सिमॊन हे सिमॊन, सैतान निमन निम्‍है पत्त'अनन गहूँ जब्‍बना बेसे निंग्‍है पत्त'अनन बिढ़'आ गे धर्मेस ती नीचकी होच्‍चकी र'ई।

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

यॊहनस 13:2

येसुस अरा आसी चेलर पुतबारी ता मंडी ओना उक्‍का रहचर। नाद सिमॊनसी तंग्‍दस यूदस इसकारियॊतसी जिया नू येसुसिन धरत'आ गे पपहर गे संगे चि'आ गे मतिन सज्‍ज ख़च्‍चकी रहचा।

यॊहनस 13:27

अरा यूदस असमा कुटकन इंझ्रना गनेम सैतान यूदस नू समसारा केरा। फिन येसुस आसिन बाचस, “निंगा एन्‍देर नन्‍ना र'ई अदिन चाँड़हे नना।”

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 15:19

नीम ख़ॆख़ेल ता रहचकर होले, आद निमन तंग्‍है ब'अरकी निम्‍है गने चोन्‍हा नंजकी र'ओ दने। लिकिन नीम ख़ॆख़ेल ता मलदर, एन्‍देरगेका ऎन निमन ख़ॆख़लन अम्‍बा ती बर'आ गे चज्जिका र'अदन, ख़ने ख़ॆख़ेल निमन हींड़'ई।

यॊहनस 16:11

अरा ई ख़ॆख़ेल ही उर्बस नेंव‍ई मंज ख़च्चिका ती नेंव‍ई ही पत्त नू आस तेंगोस।

यॊहनस 7:7

ई सौंसार ही आलर निमन हींड़'आ पोलनर, लिकिन आर एंगन हींड़नर, एन्‍देरगेका ऎन आरिन तेंगदन का आर मलदौ नलख गुट्ठी नन्नर।

यॊहनस 8:23

येसुस अउरिम आरिन बाचस, “नीम किय्यातर, ऎन गा मइय्याँ ता हिकदन। नीम ई ख़ॆख़ेल ही हिकदर, ऎन गा ई ख़ॆख़ेल ही मलदन।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

त‍इरकर 19:35

तहाँ नगरे ता अक्‍स'ऊ आलस गोंहड़ा आबोन कलेकसे नंजस ती बाचस, “इफेसुस नगरे ता आलारो, ओर्मर अख़दर का इफेसुस नगरे कोहाँ देवी अरतेमिस ही मन्‍दिर आबोन उइय्का नगरे हवे, अरा अदही मूर्ती मेर्ख़ा ती खत्रका हवे।

त‍इरकर 5:3

तहाँ पतरस बाचस, “हनानिया, सैतान एन्‍देरगे निंग्‍है जिया नू नेम्‍हा बॊलतासिन ठक'आ गे अरा ख़ल्‍ल ही दाम ही ओन हींसन निंगा गे उइय्या गे आकुस नंजा?

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

1 कोरिन्‍थ 5:10

लिकिन ई ख़ॆख़ेल ता पेहरन ही सोतरा नलख ननुर महले लोभिया महले ठक'उर महले मूर्तिन ऒड़ लग्‍गू आलर गने अमके मेस्र‍'आ एन्ने ऎन मल लिखचकन। अन्ने होले निमा ई ख़ॆख़ेल ती उरुखना काना मनो दने।

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

गलातिया 1:4

येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

इफेसुस 1:21

इत्रु ती आस मसीसिन उर्मी राजी ननुर अरा अदिया अरा सवंग अरा उर्बस मन्ना ही मइय्याँ कोहाँ नंजस। अरा ई पूर नू लेका मला अउर बरना पूर नू हूँ नामे ख़क्ख्रका उर्मी नामे ही मइय्याँ आसिन कोहाँ नंजस।

इफेसुस 2:11

औंगे सुरता नना का मुन्द नीम नन-यहूदीर रहचकर, अरा कया नू आलर ही ख़ेक्खा ती खतना मंजका अबड़ा आलर ती नीम खतना मल्‍ला मंजका बारतारकर।

इफेसुस 2:13

ओन बेड़ा नू नीम धर्मेस ती गेच्‍छा रहचकर, अक्‍कु गा मसी येसुस गने मेस्रना ती र'अना ती मसीसी ख़ॆंस ती धर्मेसी हेद्दे बरचकर केरकर।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

इफेसुस 4:22

औंगे नीम निम्है पच्चा उज्‍जना ओक्‍कनन अरा पच्चा आल सुबहन एकदा घुरिय'अना सुख-सौंरत चड्डे बगड़ारनुम काला लगी, अदन अम्बा चि'आ।

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

कोलोस्से 1:21

अरा ओंग्होल नीम आसी गेच्‍छा भिन्गे रहचकर, अरा नीम निम्है मलदौ सोच अरा नलख गुट्ठी ती आसी बैरिर रहचकर।

2 तीमोथियुस 4:10

एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

याकॊब 1:27

टुरर अरा रड़ियाहीर ही दुक्‍खे नू आरिन ऎरना ख़ॊजना, अरा तान तंगन ख़ॆख़ेल ता सोतबोड़'आ ती तरकूटी उइय्ना दिम नम्‍है धर्मे बंगासी ऎरना नू निमन अरा बिगर दगहा भगती हवे।

याकॊब 1:7

एन्ने दुई भिदी मनू आलस तान उर्बस ती इन्द्रिइम ख़क्खोन एन्ने मल सोचना र'ई।

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

1 पतरस 4:3

नीम मुन्द धर्मेसिन बल्लुर पत्तारना नलख गुट्ठिन नन्ना ती रिरयारर ती बग्गे बेड़न बहाबाचकर। नीम पेहरन ही सोतरा नलख नू, अरा मलदौ सुख-सौंरत गुट्ठी नू, अरा उंखना नू, अरा रिझ-रंग नू, अरा अरखी ओन्ना मदी गुट्ठी नू, अरा बिगर नॆग ही मूर्ती गुट्ठी गे ऒड़ लग्गना नू उज्जा लिक्कर।

2 पतरस 2:14

आर ताम ईरू उर्मी आलीर गने नन्ना आली गुसन कालू पापन नना बेद्दनर। अरा आर इकला हूँ पाप नना गे मोका बेद्दनन मल अम्बनर। आर ठिमठिमने मल र'ऊ आलारिन तम्है तरा मन्तानर, अरा आर ही जिया मलदौ चिबाख़ारना नू हेबरा केरा, अरा धर्मेस आर गे दंडे चि'ओस।

1 यॊहन 3:10

इत्रु ती नाम ब'आ ओंग्दत का नॆ धर्मेसी ख़द्दर अरा नॆ नाद ही ख़द्दर। एका ओर्तस उजगो नलख गुट्ठिन मल नन्दस, अरा तंग्है संगे मसी भईस गने चोन्हा मल नन्दस, आस धर्मेसी ख़द्द मलदस।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।

1 यॊहन 4:4

अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।

1 यॊहन 5:4

एकास धर्मेसी ख़द्द र'अदस, आस सौंसार ही मलदौ गुट्ठी ही मइय्याँ जीत ख़क्खा ओंग्दस। मसीस मइय्याँ ता नम्है पत्त'अना ती दिम नाम सौंसार ही मलदौ गुट्ठी ही मइय्याँ जीत ख़क्खदत।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:14

अरा ईद मुन्द ता मेक्खो ही मुन्दहारे ई अजगुत नलख गुट्ठिन नना गे तंगा चीरका अदिया ती ख़ॆख़ेल नू ओक्रना आलारिन ठकचा। अरा ईद तलवार ती जखम ख़क्खका ती अक्कु गूटी उज्जना आ मुन्द ता मेक्खो गे ओन्टा मूर्ती कम'आ गे ख़ॆख़ेल नू ओक्रना आलारिन आनिया।

दहदर मंजका कत्‍था 13:8

अरा ख़ॆख़ेल ही गढ़्रना बेड़ा तिम पिटतारकी र'ई आ भेंडो ख़द्द मसीसी उज्‍जना ही पुथी नू नामे मल्‍ला लिख्रका ख़ॆख़ेल नू ओक्रना ओर्मा आलर आ मेक्‍खोन महबा ननोर।

दहदर मंजका कत्‍था 16:17

फेन सातवाँ मेर्ख़ा पैकस तंग्‍है डुबहन ताका नू तुन्दियस चिच्‍चस। ख़ने मन्दिर नू ती बॆल-गदिया ती ओन्टा जॊरसरिया गड्डी सड़ा एन्ने बाचा, “मंजा केरा।”

दहदर मंजका कत्‍था 20:2

आस आ नगदे कोहाँ डेना र'ऊ नेर्रेन धरचस। ईदिम नाद अरा सैतान बारना आ पच्चा नेर्रे हवे। अरा आस अदन ओन हजार बछर गे हॆंचस।