इफेसुस 2:19 - पुना गच्छरना NT (BSI)

¹⁹ औंगे अक्‍कु नीम नन-राजीतर अरा सुगबासुर मलदर। लिकिन नीम नेम्‍हा आलर गने ओन्टे राजी नू ओक्करना ही अदिया ख़क्ख्रका अरा धर्मेसी एड़पा ता आलर मंजकादर।

इफेसुस 2:19 ပူးပေါင်းရင်းမြစ်များ

मत्तायोस 10:25

चेलस गे तंग्‍है गुरुस लेक्‍खा अरा जॊंख़स तंग्‍है उर्बस लेक्‍खा मन्ना दिम कोड़हे र'ई। आर एड़पा उर्बस एंगन बॆलजेबूल बाचकानर होले, आसी एड़पातारिन एन्‍देर मल ब'ओर।

गलातिया 6:10

औंगे एका गूटी नमा मोका ख़क्‍ख्र'आ लगी, नाम ओर्मर ही दौ ननत र'ओत, कोड़हे गा पत्त'अना नू र'अनर नम्‍है भइय्योर गे दौ नना।

इफेसुस 2:12

आ बारी नीम एकासे रहचकर अदिन सुरता नना। आ बारी नीम मसीस ती गेच्‍छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्‍छरना गुट्ठिन बल्‍ला लिक्‍कर। अरा नीम असरा मलका आलर, अरा धर्मेस मलका आलर लेक्‍खा ख़ॆख़ेल नू उज्‍जकर।

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

फिलिप्‍पी 3:20

लिकिन नम्‍है र'अना अड्डा मेर्ख़ा नू र'ई, अरा असन तिम नाड़ुस उर्बस येसु मसीस बर'ओस एन्ने नाम रिझ ती पाब ऎरदत।

इब्रानी 11:13

पत्त'अना ती उज्‍जका इबड़ा ओर्मा आलर खे'अना बेड़ा नू हूँ आ पत्त'अना ती केच्‍चर। एन्‍देरगेका गच्‍छरका आलॊ गुट्ठिन आर आ बेड़ा नू मल ख़क्‍खियर। लिकिन अबड़न गेच्‍छा तिम ईरियर अरा परघाचर ती रिझ्रर। अरा आर इंझ्रर का आर ख़ॆख़ेल नू बहरीतर अरा नन-राजियतर।

इब्रानी 13:14

एन्‍देरगेका उर्मी उल्‍ला र'आ गे इसन ख़ॆख़ल नू नमा गे नगरे मल्‍ला। लिकिन नाम बरना ओन्‍टा नगरे ही पाब ऎरालदत।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।